Янгиликлар
08
Nızamshılıqtaǵı jańalıqlar
Ózbekstan Respublikası Ministrler Kabinetiniń 2025-jıl 29-aprel kúni 275-sanlı “Ózbekstan Respublikası húkimetiniń ayırım qararlarına sport tarawında mámleketlik basqarıwdı nátiyjeli shólkemlestiriwge qaratılǵan ózgertis hám qosımshalar kirgiziw haqqında”ǵı qararı qabıl etildi.
Bul qarar menen, Sport-bilimlendiriw mákemeleriniń ayırım shtat birlikleri muwapıqlastırıldı hám de sport-bilimlendiriw mákemeleri xızmetkerleriniń miynetine haqı tólew muǵdarları belgilendi.
Joqarıda atap ótilgen qarar menen Ózbekstan Respublikası Ministrler Kabinetiniń 2010-jıl 23-sentyabr kúngi 211-sanlı qararına bir qatar ózgerisler kirgizildi.
Qarar menen, eger sport tayarlıǵınan ótip atırǵan oqıwshı-sportshı túrli jeńislerge iye bolsa, sport mektebiniń direktorı, direktordıń oqıw isleri, sport, ǵalabalıq sporttı rawajlandırıw hám selekciya, futboldı rawajlandırıw boyınsha orınbasarları, instruktor-metodistler, trener-oqıtıwshılar, sanlastırıwdı engiziw boyınsha qánigeleri, buxgalterler, kadrlar boyınsha (xızmetkerler menen islew bólimi) inspektorları, medicina xızmetkerleri hám xojalıq meńgeriwshilerine usı oqıwshı-sportshı ushın jeńisler esapqa alınǵan halda, belgilengen ústemeniń eń joqarı muǵdarı qollanılıwı;
Ústemelerdiń jámi muǵdarı: sport mektebiniń direktorı, direktordiń oqıw isleri, sport, ǵalabalıq sporttı rawajlandırıw hám selekciya, futboldı rawajlandırıw boyınsha orınbasarları, instruktor-metodistler, trener-oqıtıwshılar, sanlastırıwdı engiziw boyınsha qánigeleri ushın- belgilengen bazalıq tarif stavkasınıń 200 payızınan;
sport mektebiniń buxgalterleri ushın-belgilengen bazalıq tarif stavkasınıń 150 payızınan;
sport mektebiniń kadrlar boyınsha (xızmetkerler menen islew bólimi) inspektorları hám medicina xızmetkerleri ushın-belgilengen bazalıq tarif stavkasınıń 100 payızınan;
sport mektebiniń xojalıq meńgeriwshileri ushın- belgilengen bazalıq tarif stavkasınıń 50 payızınan aspawı kerekligi belgilep qoyıldı.
Sport mektepleriniń joqarı taypalı sportshıların tayarlawda salmaqlı nátiyjelerge erisken ayırım trener-oqıtıwshılarǵa Ózbekstan Respublikası Sport ministrliginiń qararı menen ústemelerdiń jámi muǵdarı olarǵa belgilengen bazalıq tarif stavkasınıń 400 payızı muǵdarında belgileniwi múmkinligi kórsetildi.
Shımbay rayonı ádillik bólimi
Yuridikalıq xızmet kórsetiw orayı
bas yuriskonsulti Sh.J.Matniyazov