Янгиликлар
30
Mobil-ID sisteması haqqında
Mobil-ID sisteması haqqında
Mámleketimizde puqaralardıń haq-huqıqların, mámleketlik uyımlardıń ashıqlıǵın támiyinlew baǵdarında alıp barılıp atırǵan maqsetli reformalar negizi insan hám onıń huqıqların qorǵaw, erkin demokratiyalıq mámleketti qáliplestiriwden ibarat bolıp, bul baǵdarda jáhán tájriybesi hám insan huqıqları boyınsha milliy ózligimizden kelip shıǵıp qatar baǵdarlamalar ámelge asırılmaqta.
Ózbekstan Respublikası Prezidentiniń 2022-jıl 20-apreldegi «Mámleketlik xızmetler kórsetiwdi ápiwayılastırıw, byurokratiyalıq tosqınlıqlardı kemeytiw hám de mámleketlik xızmetler kórsetiw milliy sistemasın rawajlandırıwdıń qosımsha
is-ilajları haqqında»ǵı PP-113-sanlı pármanına muwapıq:
2022-jıl 1-avgusttan baslap:
Mámleketlik xızmetlerden paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sisteması engizildi;
oǵan kóre:
Mobil-ID sisteması “Elektron húkimet” sisteması paydalanıwshıların identifikaciyalaw boyınsha birden-bir málimleme sistemasınıń strukturalıq bólegi esaplanadı hám shaxstı onıń mobil telefon nomeri arqalı identifikaciyalawdı názerde tutadı;
Shaxstı Mobil-ID sisteması járdeminde identifikaciyalaw puqaranıń qálewine kóre mámleketlik xızmetler orayları yamasa notarial keńseler tárepinen yaki Birden-bir ınteraktiv mámleket xızmetler portalınıń mobil qosımshası arqalı ámelge asıriladı;
Mobil-ID sisteması járdeminde identifikaciyadan ótiw ushın puqara tárepinen tikkeley oray yamasa notarial mekemege múrájat qılǵanında shaxstı tastıyıqlawshı hújjet tiykarında hám de oray yamasa notarial mákeme xızmetkeri tárepinen puqaranıń júzi cifrlı formatda súwretke túsiriledi, elektron formada qol barmaǵı izi alınadı hám mobil telefon nomeri BBIMXP daǵı jeke kabinetke baylanısadı;
Mobil-ID sisteması járdeminde identifikaciyadan ótiw ushın puqara tárepinen BBIMXP nıń mobil qosımshasınan paydalanılǵanda aralıqtan biometrik identifikaciyalaw usılı yamasa ID-karta daǵı elektron cifrlı qol tańbası qollanıladı hámde mobil telefon nomeri BBIMXP daǵı jeke kabinetke biypul baylanısadı;
Mobil-ID sisteması paydalanıwshıları elektron sanlı qoldı qollamaǵan halda barlıq mámleketlik xızmetlerden (bunnan finanslıq xızmetler tısqarı) paydalanıwı múmkin;
Puqaranıń BBIMXP daǵı jeke kabinetine jiberiletuǵın barlıq xabarnamalar onıń qálewine kóre hám belgilengen tólewler tiykarında Mobil-ID sisteması arqalı identifikaciyalanǵan mobil telefon nomerine SMS-xabar formasında jiberiledi.
Tikkeley mámleketlik xizmetler orayları yamasa notarial keńseler arqalı puqaralardı Mobil-ID sistemasına identifikaciya qılıw 2022-jıl 31-dekabrge shekem tólew óndirilmestan, 2023-jıl 1-yanvardan baslap bazalıq esaplaw muǵdarınıń 2 procenti muǵdarında bir mártelik tólew óndirilgen halda ámelge asırıladı.
Shomanay rayonı Ádillik bólimi
MXO bas qániygesi T. Dauletmuratov