Янгиликлар
28
Ata-ana balasın taslap sırt elge shıǵıp kete alama?
Ata-ana balasın taslap sırt elge shıǵıp kete alama?
Eger ata-ana qanday da bir sebepke kóre balasına ǵamxorlıq ete almasa, olar balanı qáwenderlik organlarına yamasa basqa tuwısqanlarına tapsırıwı múmkin. Bunday jaǵdaylarda balanıń huqıqları menen mápleri qorǵaladı.
“Qáwenderlik hám ámengerlik haqqında”ǵı Nızamnıń 20-statyasına kóre, ata-ana úsh aydan artıq múddetke jasaw ornınan, sonıń ishinde, shet mámleketke waqtınsha shıǵıp baratırǵanda óz perzentine qáwender yamasa ámenger tayınlaw ilajların kóriwi shárt.
Ata-ana úsh aydan kóp bolmaǵan múddetke jasaw ornınan, sonıń ishinde, shet mámleketke waqtınsha shıǵıp baratırǵanda óz balasın tuwısqanlarınıń yamasa basqa jaqın adamlarınıń qáwenderliginde yamasa ǵamxorlıǵında hám qadaǵalawında qaldırıwı shárt. Bul jaǵdayda qáwenderlik yamasa ámengerlik eger balanıń mápleri ushın zárúr bolsa, belgilenedi.
Ata-ana úsh aydan artıq múddetke jasaw ornınan, sonıń ishinde, shet mámleketke waqtınsha shıǵıp ketiwinen keminde bir ay aldın óz balasına qáwender yamasa ǵamxor tayınlaw haqqındaǵı arzanı ózi waqtınsha yamasa turaqlı jasap atırǵan aymaqtıń qáwenderlik hám ǵamxorlıq uyımına beriwi kerek.
Ámeńgerlik hám qáwenderlik rayon, qala hákiminiń qararı menen belgilenedi.
Qáwenderlik yamasa ámengerlik qáwenderlik yamasa qayırqomlıq belgileniwine mútáj bolǵan shaxstıń jasaw ornı boyınsha, eger shaxs belgili bir jasaw ornına ie bolmasa, qáwenderdiń yamasa qayırqomnıń jasaw ornı boyınsha belgilenedi.
Hákimshilik juwapkershilik haqqındaǵı kodekstiń 477-statyasına tiykar ata-ana jasaw ornında waqtınsha bolmaǵanda yamasa olar ózleriniń ata-analıq minnetlemelerin orınlay almaytuǵın dáwirde erjetpegen balalarına qáwender yamasa ámenger tayınlaw boyınsha minnetlemelerin orınlamawı,
-bazalıq esaplaw muǵdarınıń bir esesinen bes esesine shekemgi muǵdarda járiyma salıwǵa sebep boladı.
Tap usınday huqıqbuzarlıqlar hákimshilik jaza sharası qollanılǵannan keyin bir jıl dawamında qaytadan islengen bolsa,
-bazalıq esaplaw muǵdarınıń bes esesinen on esesine shekemgi muǵdarda járiyma salıwǵa sebep boladı.
Bozataw rayonı ádillik bólimi
PHAJ bólimi baslıǵı T.Mambetmuratova