Янгиликлар
28
Qáwenderlik hám ámengerlik
Qáwenderlik hám ámengerlik
Ózbekstan Respublikasınıń Qáwenderlik hám ámengerlik haqqındaǵı Nızamına kóre:
qáwenderlik - on tórt jasqa tolmaǵan jetim balalardı hám ata-anasınıń qaramaǵınan ayırılǵan balalardı, sonday-aq, sud tárepinen ámeliyatqa uqıpsız dep tabılǵan puqaralardı olarǵa támiynat, tárbiya hám bilim beriw, olardıń múlklik hám jeke múlklik emes huqıqları menen nızamlı máplerin qorǵaw maqsetinde ornalastırıwdıń huqıqıy túri;
ámengerlik - on tórt jastan on segiz jasqa shekemgi jetim balalardı hám ata-anasınıń qaramaǵınan ayırılǵan balalardı, sonday-aq, sud tárepinen ámeliy qábileti sheklengen puqaralardı olarǵa támiynat, tárbiya hám bilim beriw, olardıń múlklik hám jeke múlklik emes huqıqları menen nızamlı máplerin qorǵaw maqsetinde jaylastırıwdıń huqıqıy túri. Densawlıǵınıń jaǵdayına baylanıslı óz huqıqların erkin túrde ámelge asıra almaytuǵın hám óz minnetlemelerin orınlay almaytuǵın er jetken ámelge jaramlı puqaralarǵa bul shaxslardıń ótinishine bola qáwenderlik belgileniwi múmkin;
Qáwenderlik hám qayırqomlıq tarawındaǵı iskerlikti ámelge asırıwshı mámleketlik uyımlar qatarına tómendegiler kiredi:
Ózbekstan Respublikası Ministrler Kabineti;
Ózbekstan Respublikası Mektepke shekemgi hám mektep bilimlendiriwi ministrligi;
Ózbekstan Respublikası Densawlıqtı saqlaw ministrligi;
jergilikli mámleketlik hákimiyat uyımları.
Ámeńgerlik hám qáwenderlik boyınsha jumıs:
rayonlar (qalalar) hákimlikleriniń balalardı qorǵaw sektorları tárepinen - jas óspirimlerge;
rayonlıq, qalalıq medicina birlespeleri tárepinen - sud tárepinen ámeliy uqıpsız yamasa ámeliy uqıbı sheklengen dep tabılǵan puqaralarǵa, sonday-aq, densawlıǵınıń jaǵdayına bola qáwenderlikke mútáj bolǵan er jetken ámeliy uqıplı puqaralarǵa;
Jergilikli mámleketlik hákimiyat uyımları qáwenderlik hám ǵamxorlıq tarawındaǵı jumıstı usı Nızamda hám basqa da nızamshılıq hújjetlerinde belgilengen wákillikler sheńberinde ámelge asıradı.
Ózbekstan Respublikasınıń konsullıq mákemeleri Ózbekstan Respublikasınan tısqarıda jasap atırǵan, ata-anasınıń qaramaǵınan ayırılǵan jas óspirim, ámeliyatqa uqıpsız yamasa ámeliyatqa uqıbı sheklengen Ózbekstan Respublikası puqaralarına, sonday-aq densawlıǵınıń jaǵdayına baylanıslı óz huqıqların erkin túrde ámelge asıra almaytuǵın hám óz minnetlemelerin orınlay almaytuǵın jas óspirim Ózbekstan Respublikası puqaralarına nızamshılıqta belgilengen tártipte qáwenderlik yamasa qayırqomlıq ornatıw ilajların kóredi.
Qáwenderlik hám qayırqomlıq uyımlarınan tısqarı basqa yuridikalıq hám fizikalıq shaxslardıń qáwenderlik yamasa qayırqomlıq belgileniwine mútáj bolǵan shaxslardı anıqlaw hám jaylastırıw boyınsha jumıs alıp barıwına jol qoyılmaydı.
Bozataw rayonı ádillik bólimi
PHAJ bólimi baslıǵı T.Mambetmuratova