Янгиликлар
28
Puqaralıq halatı aktlerin jazıwda mámleketlik bajıdan azat etiw.
Puqaralıq halatı aktlerin jazıwda mámleketlik bajıdan azat etiw.
Puqaralıq halatı aktlerin jazıwda mámleketlik bajıdan tómendegiler azat etiledi:
Xalıq bilimlendiriw mákemeleri, balalar máseleleri boyınsha komissiyalar - jetim balalardı hám ata-ana qaramaǵınan ayırılǵan balalardı balalar úyine hám oqıw orınlarına jiberiw ushın tuwılǵanlıǵı haqqındaǵı qayta gúwalıqlar berilgenligi ushın.
Fizikalıq shaxslar tuwılıwdı, ólimdi dizimge alǵanı ushın, perzentlikke alınǵan, atalıq belgilengen, jınısı ózgertilgen jaǵdaylarda, sonday-aq, puqaralıq halatı aktlerin jazıw waqtında jol qoyılǵan qátelikler múnásibeti menen tuwılǵanlıq haqqındaǵı akt jazıwına ózgeris kirgizilip gúwalıq berilgeni ushın.
Fizikalıq shaxslar - olarǵa belgilengen tártipte biydárek joǵalǵan dep yamasa ruwxıy jaǵdayı buzılǵanlıǵı (ruwxıy keselligi yamasa aqılı zayıllıǵı) sebepli miynetke uqıpsız dep tabılǵan shaxslar yamasa islegen jınayatları ushın úsh jıldan kem bolmaǵan múddetke erkinen ayırılǵan shaxslar menen nekeni biykarlaw haqqındaǵı sudtıń sheshimi tiykarında gúwalıqlar berilgeni ushın.
Fizikalıq shaxslar - olarǵa reabilitaciyalanǵan tuwısqanlarınıń qaytıs bolǵanlıǵı haqqındaǵı gúwalıqtı qayta bergeni yamasa aldın berilgen gúwalıqlardı almastırǵanı ushın.
Ózbekstan Respublikası yamasa sırt mámleketlerdiń aymaǵında tábiyǵıy hám texnogen ayrıqsha jaǵdaylarda, sonıń ishinde, xojalıq xarakterindegi apachılıqlar (turaq jaylar yamasa jasaw ushın mólsherlenbegen orınlardıń janıwı, qulawı, transport qurallarınıń janıwı) júz beriwi nátiyjesinde jábirlengen fizikalıq shaxslar - olarǵa tákirarıy gúwalıqlar bergeni ushın.
Moynaq rayonı ádillik bólimi
PHAJ bólimi baslıǵı: A.K.Turǵanbayeva