Янгиликлар
28
Konstituciyada sırtqı siyasat
Konstituciyada sırtqı siyasat
Ózbekstan Respublikası alıp barıp atırǵan aktiv sırtqı sıyasattıń túpkilikli mánisi regionallıq qáwipsizlik hám turaqlılıqqa erisiw, dúnyalıq tınıshlıq hám tártipti, turaqlı rawajlanıwdı qollap-quwatlaw, barlıq mámleketler menen óz-ara teń hám mápdar sheriklikti jolǵa qoyıw hám bekkemlewde ayqın belgili boladı.
Ǵárezsizlikke eriskennen berli ótken waqıt dawamında Ózbekstan belsene hám ashıq sırtqı sıyasat júrgizip, region mámleketleri hám jáhándegı jetekshi mámleketler menen qatnasıqlar ornatıp, sheriklikti rawajlandırmaqta.
Ásirese, sońǵı bes jılda bul baylanıslarımız jáne de bekkemlenip, bir qatar mámleketler menen strategiyalıq sheriklik dárejesine shekem alıp shıǵılǵanın mámleketimizdiń sırtqı sıyasat hám xalıq aralıq qatnasıqlardaǵı tabıslı qádemleri retinde bahalaw múmkin.
Búgingi kúnde Ózbekstan Respublikası dúnyanıń 151 den artıq mámleketleri menen diplomatik baylanıslar ornatqan. Tashkentte 45 shet el elshixanaları, 1 bas konsullıq, 8 eń húrmetli konsullar, 17 xalıq aralıq shólkemler wákilxanaları, 13 shet el xalıq aralıq húkimetler aralıq hám húkimet shólkemleri wákilxanaları, 1 diplomatik mártebege iye sawda wákilxanası iskerlik kórsetip atır.
Shet el mámleketlerinde hám xalıq aralıq shólkemlerinde Ózbekstan Respublikasınıń 55 diplomatik hám konsullıq wákilxanaları bar. Ózbekstan 100 den artıq xalıq aralıq shólkemlerdiń aǵzası bolıp, mámleketimiz hár qıylı kóp tárepleme sheriklik strukturaları menen óz-ara sherikshilik baylanısların rawajlandıradı.
Ózbekstan - tınıshlıqtı súyiwshi el. Basqa mámleketler menen doslıq, jıllı múnásibet baylanısların ornatıw bolsa xalıq abadanlıǵı hám mámleket tınıshlıǵınıń eń zárúr shártlerinen biri bolıp esaplanadı.
Xójeli rayonı ádillik bólimi
Yuridikalıq xızmet kórsetiw
orayı bas yuriskonsultı N.Amangeldieva