Янгиликлар
28
Diniy ekstremizm hám terrorizmge qarsı gúresiw – hár birimizdiń zárúr wazıypalarımızdıń biri
Diniy ekstremizm hám terrorizmge qarsı gúresiw – hár birimizdiń zárúr wazıypalarımızdıń biri
Búgingi globallasıw dáwirinde dunya mámleketleri túrli qáwip qáterler menen júzbe-júz kelmekte, olar arasında diniy ekstremizm hám terrorizm eń qáwiplilerdiń biri esaplanadı. Usı apatlar jámiyette tınıshlıq hám párawan turmısımızdı buzadı, adamlardıń oy-órisin, qálbine tásir etip, olardı óz jolınan adastırıwǵa urınadı.
Diniy ekstremizm – bul dinge iseniw, sıyınıw nıqabı astında basqa insanlarǵa zorlıq qollawǵa shaqırıwshı ideyalar toplamı, ol jámiyette narazılıqtı kúsheyttiredi, adamlar ortasında ǵazep, jek kóriwshilikti oyatadı hám tınıshılıqqa qáwip saladı.
Diniy ekstremizmniń kelip shıǵıw sebepleriniń biri adamlardıń sawatsızlıǵı hám diniy bilimleriniń jetispewshiligi, sırtqı tásirler hám internet arqalı tarqatılatuǵın radikal ideyalar, jaslardıń bos waqtın mazmunlı ótkeriw ushın sharayatlar jaratılmaǵanda kelip shıǵadı, diniy ekstremizmniń aqıbetleri ol tek jámiyetke emes barlıq mámleketlerdiń párawan turmısına keri tásir kórsetedi hám de terroristlik háreketlerdiń kúsheyiwine, milletler ara hám dinler ara kelispewshiliklerdiń kúsheyiwine sebep boladı. Diniy ekstremizm hám terrorizmge qarsı gúresiwde xalıqtıń, ásirese jaslardıń arasında diniy hám huqıqıy sawatlılıǵın asırıw, ruxıy-aǵartıwshılıq islerin hám de túsinik jumısların kúsheytiw, internettegi adamlardı miyin uwlawshı xabarlarǵa qarsı gúresiw, jumıssızlıq hám sociyallıq mashqalalardı saplastırıw hám buǵan gúresiwde sonıń menen birge mámleketimizde tınıshlıq hám párawan turmısımızdı asıraw, millet keleshegin qáwip qáterden qorǵaw, ǵárezsizligimizdiń bekkemleniwine úlesimizdi qosıw hár birimizdiń tıykarǵı wazıypamız bolıwı lazım.
Ózbekstan mámleketi ǵárezsizliktiń dáslepki kúnlerinen-aq óziniń dinge kóz qarasın anıq hám qatań belgilep aldı. Bas nızamımız Konstitutsiya hám de “hújdan erkinligi hám diniy shólkemler haqqında”ǵı nızamda óziniń huqıqıy ańlatpasın tapqan.
“Málimleme ásiri” dep atalıp atırǵan házirgi zamanda maǵlıwmat alıw hám xabar almasıwdıń qolaylı quralı internet bolıp tabıladı. Biraq, bul tarmaqta hámme nárse aralas, aq penen qara, jaqsılıq penen jawızlıq, maǵlıwmat tarqatıw, biznes hám reklama ushın úlken maydanǵa aylanǵan global tarmaqtı qadaǵalawdıń ulıwma imkáni joq. Sonıń ushında internette buzǵınshı ideyalar hám terrorǵa shaqırıwlar júdá kóp ushıraydı.
Hár túrli nızamǵa qarsı qurallı strukturalar óz qatarına jańa adamlardı qosıwda internet jáne social tarmaqlardan keń paydalanıp atır. Olar tárepinen waqtın internette ótkeriwshi, waqtınsha jumıssız, shet elde pul tabıw úmitinde júrgen jáne social jaǵdayınan narazı adamlardı óz qatarına qosıw maqsetinde olar menen sáwbetler júrgizedi hám háreket etedi.
Atap ótiw kerek, Ózbekstan Respublikasınıń Jınayat kodeksi yamasa Hákimshilik juwapkerlik haqqındaǵı kodeksi hám basqa nızamshılıqta anıq belgilengen jınayatlardı islegenligi hám nızam buzıwshılıq ushın jazaǵa tartıladı. Aldanib aǵımǵa kirip qalǵan shaxs óz waqtında qátesgenligin ańlap, pushayman bolsa hám jınayattı ashıwǵa járdem bersa, Jınayat kodeksiniń tiyisli statyasına kóre juwapkerlikten azat etiliwi múmkinligi belgilengen.
Taxtakópir rayonı Yuridikalıq xızmet
kórsetiw orayınıń bas yuriskonsultı: Shaxanov Dauletbay