Янгиликлар
26
Mámleketlik xızmetlerden paydalanıwda hám tólemlerdi ámelge asırıwda kimler jeńillikke iye.
Mámleketlik xızmetlerden paydalanıwda hám tólemlerdi ámelge asırıwda kimler jeńillikke iye.
Ózbekstan Respublikası Prezidentiniń 2021-jıl 24-iyul sánesindegi “Mámleketlik xızmetlerdi kórsetiw infradúzilmesin jetilistiriw hám xalıqtıń mámleketlik xızmetlerden paydalanıw imkaniyatların keńeyttiriw is-ilajları haqqında”ǵı PP-6269-sanlı Pármanına tiykar 2021-jıl 1-noyabrden baslap: «Birden-bir sociyallıq reestr» maǵlıwmatlar bazasında dizimge alınǵan shaxslarǵa, sonday-aq, I hám II topar nagiranlıǵı bolǵan shaxslarǵa mámleketlik xızmetleri orayları ham Birden bir interaktiv mámleketlik xızmetler portalı (BIMXP) arqalı mámleketlik xızmetler kórsetiwde nızamshılıq hújjetlerinde belgilengen mámleketlik bajları, jıyımlar hám basqa hár qanday tólemler boyınsha 50 payız muǵdarda shegirme qollanıladı (isbilermenlik iskerligi maqsetlerinde yaki yuridikalıq shaxslar wakili sıpatında múrájat etken jaǵdaylardan tısqarı).
Bunnan tısqarı Mámleketlik xızmetler orayları arqalı xızmet kórsetiw barısında sociyallıq kútimge mútaj bolǵan shaxslar, pensiyoner hám nagiranlıǵı bolǵan shaxslar hám de jas balaları bar hayallar mámleketlik xızmetin paydalanıwǵa náwbetsiz tártipte xızmet kórsetiw jolǵa qoyılǵan.
Álbette bulardıń bárshesi insan qádir-qımbatı, ulıwma insaniylıq principlerin basshılıqqa alǵan halda xalqımızǵa múnasip xızmet kórsetiw olaraǵa qolaylı sharayatlar jaratıw ushın engizilgen.
Shomanay rayonı ádillik bólimi
mámleketlik xızmetler orayı
direktorı B.Dawletmuratov