Янгиликлар
26
Qálegen avtomobil tariyxına baylanıslı maǵlıwmatlardı alıw múmkin boldı.
Qálegen avtomobil tariyxına baylanıslı maǵlıwmatlardı alıw múmkin boldı.
Ózbekstan Respublikası Ministrler Kabinetiniń 2022-jıl 09-mart kúngi “Avtomobil tariyxı” maǵlıwmatların usınıw boyınsha mámleketlik xızmetin kórsetiwdiń hákimshilik reglamentin tastıyıqlaw tuwrısındaǵı 106-sanlı qararı qabıl etildi.
Qararǵa kóre, 2022-jıl 1-maydan:
“Avtomobil tariyxı” maǵlıwmatların shártnamalıq tiykarda Mámleketlik xızmetler orayları, Birden-bir interaktiv mámleketlik xızmetler portalı (my.gov.uz) yamasa veb-saytlar hám olardıń qosımshaları arqalı anıqlaw boyınsha mámleketlik xızmeti jolǵa qoyıw belgilendi.
Avtotransporttı texnik kórikten ótkeriw processinde avtotransporttıń basıp ótken jolı haqqındaǵı maǵlıwmatlar, sonıń ishinde texnik kórikten ótkeriwshi isbilermenler tárepinen de májbúriy tártipte málimleme sistemasına kirgiziledi.
“Avtomobil tariyxı” maǵlıwmatları tómendegilerdi óz ishine aladı:
avtotransporttıń agregat maǵlıwmatları;
basıp ótken aralıǵı;
shártnama dúzilgenligine baylanıslı maǵlıwmatlar (isenim xat, ijara, sawǵa);
jol-transport hádiysesi islengenligi;
qaǵıydalar halatı;
girewge qoyılǵanlıq halatı;
qadaǵan bar yamasa joq ekenligi;
bajıxana rásmiylestiriwine baylanıslı maǵlıwmat;
licenziya alınǵanlıǵı halatı (jolawshı tasıw ushın).
Mámleketlik xızmet ushın BEMnıń 10 procenti muǵdarında jıyım óndiriledi.
Maǵlıwmatlar real waqıt rejiminde tayarlanadı hám arza beriwshige usınıladı.
Maǵlıwmatnama shaxsqa baylanıslı maǵlıwmatlar áshkar etilmegen halda beriledi (avtotransport múlkdarı tárepinen óz “Avtomobil tariyxı”n biliw ushın jiberilgen sorawnamalar bunnan tısqarı).
Maǵlıwmatnama málimleme xarakterine iye hújjet esaplanadı.
Arza beriwshiler Ózbekstan Respublikasında dizimnen ótken qálegen avtomobil haqqında maǵlıwmat alıwı múmkin (operativ-izlew jumısların ámelge asırıwshı, qorǵanıw hám Mámleketlik qáwipsizlik xızmeti tarawındaǵı, sonday-aq huqıq qorǵaw organlarına tiyisli avtotransport quralları tuwrısındaǵı maǵlıwmatlar bunnan tısqarı).
Bozataw rayonı ádillik bólimi
Mámleketlik xızmetler orayı direktorı M.Xudaybergenov