Янгиликлар
31
Hayal-qızlar hám balalar huqıqları
Hayal-qızlar hám balalar huqıqları
Mámleketimizde hayal-qızlar hám balalardıń ruwxıy hám intellektual qábiletlerin jetilistiriw, salamatlıǵın bekkemlew, shańaraq, analıq hám balalıqtı qorǵawdıń huqıqıy kepillikleri jaratılǵan bolıp, bul zaman talabına say jetilistirilip barılmaqta.
Keyingi jıllarda usı tarawdı isenimli qorǵaw sisteması elede jetilistirilmekte, bul arqalı bar ámeliyattı qayta kórip shıǵıw, ómirde, ǵalaba xabar qurallarında real waqıyanı sáwlelendiriw, tarawdaǵı mashqalalarǵa sheshim tabıw, talapqa juwap bermeytuǵın huqıqıy normalarǵa ózgerisler kiritiw, juwapkershilik sharaların elede kúsheyttiriw názerde tutılmaqta.
Tarawda ámelge asırılıp atırǵan reformalarǵa qaramastan, unamsız halatlar, yaǵnıy hayal-qızlar, jas óspirimlerge qarata zorlıq hám basımlar, óz huqıq hám erkinliklerinen paydalanıwda tosqınlıqlar elede ushıramaqta.
Mámleketimizde hayal-qızlar hám balalar huqıqları, erkinlikleri hámde nızamlı máplerin basım hám zorlıqtan isenimli qorǵawdıń institucional hámde huqıqıy tiykarların túpten jetilistiriwge, balalar arasında qadaǵalawsızlıqtıń hám olar tárepinen huqıqbuzarlıqlar isleniwiniń aldın alıwǵa, sonday aq, mayıplıǵı bolǵan balalardı hámde ata-ana qaramaǵınan mahrum bolǵan balalardı mámleket tárepinen qollap kuwatlawǵa qaratılǵan keń kólemli isler ámelge asırılmaqta.
Ózbekstan Respublikasınıń 2023-jıl 12-apreldegi «Hayal-qızlar hám balalar huqıqları, erkinlikleri hámde nızamlı máplerin isenimli qorǵaw sistemasın elede jetilistiriw múnásibeti menen Ózbekstan Respublikasınıń ayırım nızam hújjetlerine ózgeris hám qosımshalar kiritiw haqqında»ǵı ÓRN-829-sanlı Nızamı menen hayal-qızlardı sociallıq-ekonomikalıq tarawda óz huqıq hám máplerin ámelge asırıwda qollap quwatlaw máselelerin tártipke salıwshı nızamshılıqtı xalıqaralıq standartlar tiykarında jetilistiriwdi názerde tutıwshı, sonday aq, balalar máseleleri boyınsha komissiyalar iskerliginiń huqıqıy tiykarların bekkemlep qoyıwshı ózgerisler kiritildi.
Usı nızam hayal-qızlar hám balalarǵa qarata shılqımlıq hámde zorlıqtıń aldın alıwǵa, shańaraqlardaǵı ruwxıy-tárbiyalıq ortalıqtıń jaqsılanıwına, balalar hám hayal-qızlar huqıqları menen baylanıslı xalıqaralıq indekslerde mámleketimizdiń ornın jaqsılawǵa xızmet etedi.
Kegeyli rayonı ádillik bólimi
Yuridikalıq xızmet kórsetiw
orayı baslıǵı Joldasov Jaqsılıq Maratovich