Янгиликлар
25
Nekede joq ata-anadan tuwılǵan perzentlerdiń tuwılǵanlıq haqqında gúwalıǵın alıw tártibi haqqında túsinik berseńiz?
Soraw: Nekede joq ata-anadan tuwılǵan perzentlerdiń tuwılǵanlıq haqqında gúwalıǵın alıw tártibi haqqında túsinik berseńiz?
Juwap: Jalǵız anadan tuwılǵan balanıń tuwılıwın dizimge alıwda jalǵız (nızamlı nekede bolmaǵan) ana tárepinen PHAJ organına ananıń shaxsın tastıyqlawshı hújjet hám jazba arza usınıladı. Eger tuwılǵan balanıń anası er jetpegen bolsa, tuwılıwın dizimge alıw balanıń tuwılǵanlıq haqqında medicinalıq maǵlıwmatnama hámde amangerlik hám qáwenderlik organınıń arzasına asas ananıń jasaw jerindegi PHAJ organı tárepinen dizimge alınadı. Jalǵız ananıń arzasında ana hám atanıń familiyası birdey-ananıń familiyası boyınsha kórsetiliwi lazım.
Nekede bolmaǵan ata-anadan tuwılǵan balaǵa atalıqtı belgilew ata hám anası tárepinen birgelikte berilgen arzası yaki sudtıń nızamlı kúshke kirgen qararı asasında PHAJ organı tárepinen ámelge asırıladı.Ayırıqsha jaǵdaylarda atalıqtı belgilew haqqındaǵı arza PHAJ organına bala tuwılmastan aldında beriliwi múmkin.
Atalıqtı isenim xat arqalı belgilewge jol qoyılmaydı. Eger atalıq balanıń tuwılǵanlıǵı dizimge alınǵannan soń belgilengen bolsa, atalıqtı belgilew haqqındaǵı arzaǵa yaki sudtıń usı másele boyınsha shıǵarǵan qararǵa balanıń tuwılǵanlıq haqqında guwalıǵı qosımsha qılınadı.
Nókis rayon PHAJ bólimi inspektorı Otepova Gulzar