Янгиликлар
21
Nızamshılıqta puqaralarǵa mámleket esabınan yuridikalıq járdem kórsetiw tártibi belgilengen
Nızamshılıqta puqaralarǵa mámleket esabınan yuridikalıq járdem kórsetiw tártibi belgilengen
Ózbekstan Respublikası Ministrler Kabinetiniń 2024-jıl 21-noyabrdegi "Mámleket esabınan yuridikalıq járdem kórsetetuǵın advokatlardı tartıw hám olarǵa haqı tólew tártibi haqqındaǵı rejeni tastıyıqlaw haqqında"ǵı 774-sanlı qararına kóre, tómendegi fizikalıq táreplerge mámleket esabınan yuridikalıq járdem kórsetiledi:
kem támiyinlengen shaxslar, eger olar puqaralıq isleri boyınsha dawagerler yamasa juwapkerler, hákimshilik isleri boyınsha arza beriwshiler, hákimshilik qamaqqa alıw túrindegi hákimshilik jaza názerde tutılǵan hákimshilik huqıqbuzarlıqtı islegen shaxslar hám de jınayat isleri boyınsha gúmanlanıwshılar, ayıplanıwshılar, sudlanıwshılar, sonday-aq, sudlanıwshılar bolsa;
psixikalıq jaǵdayı buzılǵan fizikalıq shaxslar, olarǵa Ózbekstan Respublikasınıń "Psixiatriya járdemi haqqında"ǵı Nızamına muwapıq psixiatriya járdemi kórsetilip atırǵanda;
óz huqıqları buzılǵan, Ózbekstan Respublikasınıń "Hayal-qızlar hám er adamlar ushın teń huqıq hám imkaniyatlar kepillikleri haqqında"ǵı Nızamında názerde tutılǵan hayal-qızlar hám er adamlardıń teń huqıqlılıǵı buzılǵanlıǵı múnásibeti menen sudqa múrájat etken fizikalıq shaxslar;
Ózbekstan Respublikasınıń Jınayat-processual kodeksine muwapıq jınayat isi boyınsha advokat qatnasıwı shárt bolǵan jaǵdayda, gúman etiliwshi, ayıplanıwshı yamasa sudlanıwshı.
Mámleket esabınan yuridikalıq járdem alıw ushın fizikalıq shaxslar eksterritoriyalıq principi tiykarında ádillik bólimine awızeki, jazba hám electron túrde múrájat etedi.
Elektron túrdegi múrájatlar birden-bir identifikaciya sistemasınan (OneID) diziminen ótken jaǵdayda, “yuridikalıq járdem” málimleme sisteması arqalı jiberiledi. Awizeki hám jazba múrájatlar tiyisli ádillik bólimi tárepinen múrájat kelip túsken kúnniń keyingi jumıs kúninen keshiktirmey sistemaǵa kirgiziledi.
Advokatqa belgilengen muǵdarda haqı tóleniwi menen birge xızmet saparı hám transport qárejetleri advokat shártnama dúzgen orınnan 50 кm aralıqta uzaq bolǵan aymaqqa yuridikalıq járdem kórsetilgen jaǵdaylarda qaplanadı.
Taqıyatas rayonı ádillik bólimi YuXKO bas yuriskonsulti Zulfiya Bayniyazova.