Янгиликлар
21
Korrupciya menen baylanıslı huqíqbuzarlıqlar
Korrupciya menen baylanıslı huqíqbuzarlıqlar
Ózbekstan Respublikası «Korrupciyaǵa qarsı gúresiw haqqında»ǵı Nızamında korrupciyaǵa tiyisli huqıqbuzarlıqlar haqqında anıq túsinik berilgen.
Korrupciyaǵa tiyisli huqıqbuzarlıqlar - korrupciya alamatlarına iye bolǵan, sádir etilgenligi ushın nızam hújjetlerine juwapkershilik názerde tutılǵan nızambuzıwshılıqlar.
Ózbekstan Respublikasında korrupciyaǵa tiyisli huqıqbuzarlıqlardı sádir etkenligi ushın jınayı, xákimshilik hám intizamiy juwapkerlishiliklerine tartılıwı múmkin. Korrupciya menen baylanıslı huqıqbuzarlıqlardı úyreniw ushın bir qatar mansabdar shaxslardıń xızmet tarawların analiz qılıw lazım boladı.
Birlesken milletler shólkemi 2003 jıl 31-oktyabrdegi «Korrupciyaǵa qarsı konvenciya»sı qabıl etildi.
Bunda korrupciya menen baylanıslı huqıqbuzarlıqlardıń túrleri tómendegishe atap ótilgen:
- xojalıq korrupciya bul mámleket xızmetlerin kórsetiw tarawında puqaralar hám mámleket xızmetshileri ortasında payda bolatuǵın korrupciya menen baylanıslı huqıqbuzarlıq;
- biznestegi korrupciya bul isbilermen hám mámleket xızmetshileri ortasında payda bolatuǵın korrupciya menen baylanıslı huqıqbuzarlıq;
- xákimiyattaǵı korrupciya bul mámleket xákimiyat organında mansabdar shaxslar tárepinen sádir etilgen korrupciya menen baylanıslı huqıqbuzarlıq.
Korrupciya menen baylanıslı huqıqbuzarlıqlar - Ózbekstan Respublikası Hákimshilik juwapkershiligi haqqındaǵı kodeksi 61-1, 193-1 hám 193-2-statyalarında statyalarında názerde tutılǵan huqıqbuzarlıqlar.
Ózbekstan Respublikası Prezidentiniń 2020 jıl 31-dekabrdegi «Korrupciya menen baylanıslı huqıqbuzarlıqlar boyınsha xabar bergen yamasa korrupciyaǵa qarsı gúresiwge kómeklesken shaxslardı xoshametlew tártibi haqqında Nızamın tastıyıqlaw haqqında» 829-sanlı Qararı qabıl etildi. Qarar menen Korrupciya menen baylanıslı huqıqbuzarlıqlar boyınsha xabar bergen yamasa korrupciyaǵa qarsı gúresiwge kómeklesken shaxslardı xoshametlew tiykarları hám túrleri anıq kórsetilgen.
Moynaq rayonı ádillik bólimi
yuridiklıq xızmet kórsetiw
orayı baslıǵı M.Koluzanov