Янгиликлар
28
Nızamshılıqtaǵı jańalıqlar
Ózbekstan Respublikasınıń "Ózbekstan Respublikasında xızmet kórsetken ekolog" húrmetli ataǵın shólkemlestiriw haqqındaǵı Nızamı (ÓRN-1048-sanlı, 19.03.2025 j.) qabıl etildi.
Nızamǵa kóre, "Ózbekstan Respublikasında xızmet kórsetken ekolog" húrmetli ataǵı mámleketimizde ekologiya hám qorshaǵan ortalıqtı qorǵaw tarawın rawajlandırıw, tábiyattı qásterlep saqlaw, biologiyalıq kóp túrlilikti saqlaw, klimat ózgeriwi aqıbetlerin jumsartıw, tábiyiy resurslardan aqılǵa muwapıq paydalanıw hám olardı qayta tiklew baǵdarında salmaqlı nátiyjelerge erisken ekoaktivlerge beriledi.
Sonday-aq, ekologiyalıq jaqtan taza hám innovaciyalıq texnologiyalardı islep shıǵıwda hám ámeliyatqa engiziwde, jasıl aymaqlardı keńeytiwde hám kóklemzarlastırıw jumıslarında ayrıqsha baslama kórsetken, xalıqtıń ekologiyalıq mádeniyatın arttırıw, jas áwladtı tábiyatqa húrmet ruwxında tárbiyalaw hám sistemada joqarı maman kadrlardı tayarlaw baǵdarında pidákerlik penen miynet etip atırǵan qánige-xızmetkerlerge hám tarawdıń basqa da wákillerine, sonday-aq, usı baǵdarda jámietlik qadaǵalawdı ámelge asırıp atırǵan ekoaktivlerge beriledi.
Nızam rásmiy járiyalanǵan kúnnen baslap kúshke kiredi. https://t.me/huqiqiymalimleme/9390
Bozataw rayonı Mámleketlik Notarial keńsesi
notarius xatkeri F.Saparova