Янгиликлар
28
Bilesizbe? Ózbekstan Respublikası Bántlikke kómeklesiw mámleketlik qorınıń qarjıları esabınan stipendiya tólenedi
Nızamshılıqqa kóre, kásipke tayarlaw, qayta tayarlaw yamasa mamanlıǵın arttırıw dáwirinde jumıssız shaxslarǵa Ózbekstan Respublikası Bántlikke kómeklesiw mámleketlik qorınıń qarjıları esabınan, ádette, 26 kalendar háptege shekemgi múddetke stipendiya tólenedi (https://lex.uz/ru/docs/5055690#5059187).
Stipendiya muǵdarları tómendegishe:
sońǵı 12 aylıq dáwir ishinde jumıstan hám is haqısınan (miynet dáramatınan) ayırılǵan shaxslarǵa - aldınǵı jumıs ornındaǵı ortasha aylıq is haqınıń 75 procenti muǵdarında, biraq miynetke haqı tólewdiń eń kem muǵdarınan kem bolmaǵan hám Ózbekstan Respublikasında qáliplesken ortasha miynet haqıdan kóp bolmaǵan muǵdarda;
uzaq, yaǵnıy 1 jıldan artıq tánepisten keyin jumıstan hám miynet haqıdan (miynet dáramatınan) ayırılǵan shaxslarǵa - miynetke haqı tólew eń kem muǵdarınıń 1 esesi muǵdarında;
birinshi márte jumıs izlep atırǵan shaxslarǵa - miynetke haqı tólew eń kem muǵdarınıń 75 procenti muǵdarında.
Stipendiyalar tólew haqqındaǵı maǵlıwmatlar "Bántlik xızmeti" málimleme sistemasında hám sorawnamada kórsetiledi.
Ministrliktiń sektor baslıǵı I.Aldabergenov