Янгиликлар
28
Nızamshılıqtaǵı jańalıqlar
Kishi hám orta biznestiń ekonomikadaǵı ornın arttırıw ilajları haqqında"ǵı Prezident Pármanı (PP-50, 19.03.2025 j.) qabıl etildi.
Pármanǵa kóre, 2025-jılda kishi hám orta biznesti rawajlandırıwdıń tiykarǵı maqsetli kórsetkishleri etip tómendegiler belgilendi, sonıń ishinde:
kishi hám orta biznestiń jalpı ishki ónimdegi úlesin 55 procentke, sanaatta - 34 procentke, eksportta - 34 procentke hám xalıqtıń bántligin támiyinlewde 75 procentke jetkeriw;
keminde 600 kishi hám orta biznes subektleriniń keńeyiwine járdemlesiw arqalı olardı "chempion" isbilermenlerge aylandırıw;
100 den aslam jumısshısı bar isbilermenlik subektleri sanın 4 mıńǵa jetkeriw.
2025-jıl 1-maydan:
ózin-ózi bánt etken shaxslardı Jeke tártiptegi isbilermen yamasa yuridikalıq shaxs sıpatında mámleketlik dizimnen ótkerilgende, mámleketlik bajı óndirilmeydi;
óz jumısın sáykes túrde Jeke tártiptegi isbilermen, mikrofirma yamasa kishi kárxana kategoriyasına shekem keńeyttirgen ózin-ózi bánt etken shaxslar hám isbilermenlerge Shańaraqlıq isbilermenlikti rawajlandırıw baǵdarlaması sheńberinde 50 million swmǵa shekem, Kishi biznesti úzliksiz qollap-quwatlaw kompleks baǵdarlaması sheńberinde - 150 million swmǵa shekem girewsiz kreditler beriledi;
óz jumısın sáykes túrde orta yamasa iri biznes kategoriyasına shekem irilestirgen isbilermenlerge - 1 jıl dawamında QQS muǵdarın ornın qaplaw (qaytarıw) 7 kún múddette tezlestirilgen tártipte ámelge asırıladı.
Ministrlik sektor baslıǵı I.Aldabergenov