Янгиликлар
28
Úy-jay satıp alıw ushın subsidiya alıw tártibi haqqında bilesizbe?
Ózbekstan Respublikası Ministrler Kabinetiniń 2020-jıl 25-marttaǵı 182-sanlı Qararı menen tastıyıqlanǵan “Úy-jay satıp alıw ushın puqaralarǵa subsidiya tólew tártibi haqqında”ǵı Rejeniń 10-bántinde arza beriwshi ipoteka kreditleri boyınsha subsidiya alıw ushın qálegen rayon (qala) mámleket xızmetleri orayına ózi kelip múrájat etedi yáki Birden-bir interaktiv mámleketlik xızmetleri portalında (keyingi orınlarda - BIMXP) mámleketlik xızmetten elektron paydalanıw ushın dizimnen ótedi.
Ózi kelip múrájat qılǵanda, Mámlektlik xızmetler orayı xızmetkeri arza beriwshiniń atınan, BIMXP arqalı múrájat qılınǵanda bolsa arza beriwshi gárezsiz ráwishte usı Rejege muwapıq mámleketlik xızmetten paydalanıw ushın
anketa-arzanı elektron tárizde toltıradı.
Usı Rejeniń 11-bántinde arza beriwshi tárepinen ipoteka kreditleri boyınsha subsidiya alıw ushın arza hár jılı tastıyıqlanatuǵın mámleketlik dástúrlerde belgilengen múddetlerde tapsırılıwı múmkin dep kórsetilgen.
Sonday-aq, Rejeniń 14-bántinde mámleketlik xızmetler orayı sorawnama toltırılǵan waqıttan baslap bir saat dawamında onı “subsidiya.idm.uz” elektron platformasına jiberedi.
BIMXP arqalı múrájat qılınǵanda, sorawnama avtomatik tárizde “subsidiya.idm.uz” elektron platformasına jiberiledi.
arza beriwshiniń arzası usi Rejede názerde tutılǵan juwapker shólkemler hám de arza beriwshi dizimge alınǵan turaqlı jasaw jerindegi rayon (qala) komissiyası tárepinen kórip shıǵıladı.
Bunda arza beriwshi basqa aymaqtaǵı Mámleketlik xızmetler orayları arqalı arza tapsırǵan jaǵdayda, Mámleketlik xızmetler orayı bir jumıs kúni dawamında arzanı puqara dizimge alınǵan turaqlı jasaw jerindegi komissiyaǵa jiberedi.
Arzanı juwapker shólkemler tárepinen sociallıq kriteriyalar boyınsha kórip shıǵıw tek ǵana anketa-arzada kórsetilgen jaǵdaylar boyınsha tiyisli juwapker shólkemlerge jiberiledi.
Usı Rejeniń 15-bántinde bolsa, Mámleketlik xızmetler orayı, komissiya hám de juwapker shólkemler ortasında maǵlıwmat almasınıwı elektron sanlı qol tánbanı májbúriy tártipte qollaw arqalı tek ǵana shólkemler aralıq óz-ara elektron baylanısıw járdeminde ámelge asırıladı.
Juwapker shólkemler basshıları tárepinen subsidiya.idm.uz dástúrlik támiyinlew sistemasında arza beriwshini sociallıq kriteriyalar boyınsha bahalaw ushın juwapker bolǵan xızmetker ishki buyrıq tiykarında biriktiriledi.
Juwapker shólkemler jeti jumıs kúninde arza beriwshiniń sociallıq kriteriyalarǵa muwapıqlıǵın usınılǵan hújjetler tiykarında shólkemlerde bar bolǵan maǵlıwmatlar bazası menen salıstırǵan halda úyrenip shıǵadı hám BIMXPda onlayn elektron formada maǵlıwmatlardı kiritedi.
Rejeniń 31-bántine muwapıq, Kórip shıǵıw juwmaqları boyınsha subsidiya beriw yáki beriwden bas tarıw haqqında elektron tastıyıqlanǵan QR-kod qoyılǵan qarar tiyisli rayon (qala) Mámleketlik xızmetler orayına jiberiledi.
Usı xabarnama Mámleket xızmetleri orayı tárepinen bir jumıs kúninde arza beriwshige jiberiledi.
Bunnan tısqarı BIMXP arqalı arza beriwshige “SMS” xabar jiberiledi.
BIMXP arqalı elektron formada múrájat qılınǵanda, komissiya tárepinen subsidiya beriw yáki beriwden bas tartıw haqqındaǵı xabarnama elektron formada arza beriwshige jiberiledi dep kórsetilgen.
Sonıń menen birge Rejeniń 32-bántine muwapıq, Sociallıq kriteriyalar tiykarında bahalanǵan arza beriwshi 30 hám onnan joqarı ball toplaǵan jaǵdayda, talapker sıpatında tán alınıp, kvartira satıp alıw yáki jeke tártiptegi úy-jaylardı qurıw hám rekonstruksiya qılıw ushın ipoteka krediti boyınsha subsidiya alıwǵa haqlı dep esaplanadı dep belgilengen.
Qońırat rayonı ádillik bólimi
Mámleketlik xızmetler orayı
Baylanıs operatorı I.Aytimbetova