Янгиликлар
28
Balanı mámleketlik mektepke shekemgi bilimlendiriw shólkemine jaylastırıw ushın arza beriw tártibi
Balalardı mámleketlik mektepke shekemgi bilimlendiriw shólkemine náwbetke qoyıw mámleketlik xızmeti Ózbekstan Respublikası Ministrler Kabinetiniń 2018-jıl 2-martdaģı “Balalardı mámleket mektepge shekem bilimlendiriw mákemelerine qabıllaw boyınsha mámleket xızmetlerin kórsetiwdiń basqarıw reglamentin tastıyıqlaw haqqında”ģı 244-san qararı menen tártipke salınģan bolıp, arza beriwshi mámleketlik xızmetinen paydalanıw ushın shaxsın tastıyıqlawshı hújjet hám perzentiniń tuwılģanlıq haqqında gúwalıģı menen mámleketlik xızmetler orayına kelgen halda yáki onlayn tárizde my.gov.uz birden-bir interaktiv mámleketlik xızmetler portalı arqalı arza beriwi múmkin. Egerde arza beriwshi tómendegi kórsetilgen imtiyazģa iye bolsa sorawnaması imtiyazlı dizimge kiritiledi:
- I hám II topar mayıplıģı bolģan shaxslardıń balaları;
- kóp balalı shańaraqlardıń balaları;
- jetim balalar yáki ata-anasınıń qarawısız qalģan balalar;
- “sociallıq qorģaw birden-bir reestri” málimleme siztemasında kiritilgen kem támiyinlengen hám de kambaģal shańaraqlardıń balaları;
- “hayallar dápteri”ne kirgizilgen sociallıq qorģawģa mútáj jalģız hayallardıń balaları;
- shártnama boyınsha áskeriy xızmetkerlerdiń, ishki isler hám bajixana organları xızmetkerleriniń balaları;
- student hám pedagoglardıń balaları;
- ajaģası yáki ájapası usı shólkemniń tárbiyalanıwshıları bolģan balalar;
- kóp tarmaqlı qánigelestirilgen mektepke shekemgi bilimlendiriw shólkemlerinen ulıwma túrdegi mektepke shekemgi bilimlendiriw shólkemlerine ótkizilip atırģan sawalģan balalar.
Nókis rayonı ádillik bólimi
Mámleketlik xızmetler orayı
jetekshi qánigesi B.Erniyazov