Янгиликлар
28
Mámlektlik xızmetler kórsetiw tártibinen xabardarsızba
Ózbekstan Respublikası Prezidentiniń “2022-2026-jıllarǵa arnalǵan Jańa Ózbekstannıń rawajlanıw strategiyasın “Insanǵa itibar hám sapalı bilimlendiriw jılı”nda ámelge asırıwǵa baylanıslı mámleketlik dástúri haqqında” 2023-jıl 28-fevraldaǵı PF-27-san Pármanı orınlanıwın támiyinlew, sonıń menen birge, social qorǵaw sistemasına imálimleme-kommunikaciya texnologiyaları engiziliwin keńeytiw hám de kem támiyinlengen shańaraqlarǵa social járdemler kórsetiw tártibin jáne de jetilistiriw maqsetinde Ministrler Kabinetiniń 2023-jıl 10-noyabr kúngi 596-sanlı qararı qabıllandı.
Qararǵa tiykar “Social qorǵaw birden-bir reestri” málimleme sisteması arqalı kem támiyinlengen shańaraqlardı anıqlaw, olarǵa social napaqalar belgilew hám de maǵlıwmatnama alıw ushın elektron kóriniste arza beriw boyınsha mámleketlik xızmet kórsetiwdiń hákimshilik reglamenti tastıyıqlandı.
Bul Reglament “Social qorǵaw birden-bir reestri” málimleme sisteması arqalı shańaraqlardı kem támiyinlengen dep belgilew, kem támiyinlengen shańaraqlar balaları ushın napaqa hám materiallıq járdem belgilew hám de maǵlıwmatnama alıw ushın elektron kóriniste arza usınıw boyınsha mámleketlik xızmet kórsetiw tártibin belgileydi.
Arza beriwshi mámleketlik xızmetten paydalanıw ushın mámleketlik xızmetler orayına kelip múrájat etedi, mámleketlik xızmetlerden elektron tárizde paydalanıw ushın Birden-bir Interaktiv Mámleketlik Xızmetler Portalınan dizimnen ótedi yamasa “Insan” social xızmetler oraylarındaǵı social xızmetkerlerge múrájat etedi.
Mámleketlik xızmet kem támiyinlengen shańaraqtıń 18 jasqa tolǵan social napaqa almaqshı bolǵan Ózbekstan Respublikası puqarası, Ózbekstan Respublikası aymaǵında jasaw gúwalıǵına iye bolǵan shet el puqarası yamasa puqaralıǵı bolmaǵan shaxslarǵa kórsetiledi.
“Birden-bir reestr” AT arqalı kem támiyinlengen dep belgilengen shańaraq (shaxs)ǵa Birden-bir Interaktiv Mámleketik Xızmetler Portalı yamasa Mámleketlik xızmetler orayı arqalı úsh minut ishinde maǵlıwmatnama usınıladı.
Bul maǵlıwmatnama nızamshılıq hújjetlerinde belgilengen xızmetlerden paydalanıw hám jeńilliklerdi alıw ushın usınıladı hám kem támiyinlengen dep belgilengen aydan baslap on eki ay dawamında ámel etedi.
Qaraózek rayonı ádillik bólimi
Mámleketlik xızmetler orayı
bólim baslıǵı A.Dosımbetov