Янгиликлар
26
Nızamshılıqtaǵı jańalıqlar
Ózbekstan Respublikasi Ministrler Kabinetiniń 10.03.2025 jıldaǵı 143-san qararı menen joqarı bilimlendiriw shólkemlerinde studentlerge grantlardı usınıw hám qayta bólistiriw tártibi belgilendi. Nızam ekinshi hám onnan joqarı kurslarda joqarı akademik ózlestiriw kórsetkishlerine erisken hám Ózbekstan Respublikası puqarası bolǵan social aktiv studentler ortasında joqarı bilimlendiriw shólkemleri tárepinen bilimlendiriw grantların qayta bólistiriw hám de qosımsha grant usınıw tártibin belgileydi.
Joqarı bilimlendiriw shólkemleri grantı bakalavriat bilimlendiriw jónelisleri boyınsha bilim alıwshı, ortasha ballı 3,3 ten 4 geshe bolǵan studentlerdiń ayrıqsha túrlerine usınılıp, keyingi oqıw jılı ushın belgilengen tólew-kontrakt summasınıń 20% ten 80% geshe bolǵan bólegin usı joqarı oqıw mekemesiniń byudjetten tısqarı dáramatları esabınan qaplaydı.
Ekinshi hám onnan keyingi kurslar ushın bilimlendiriw grantlar sanı joqarı bilimlendiriw shólkemleri rektorı (direktori) tárepinen bólistiriledi. Olar bakalavriat bilimlendiriw jónelisi, oqıw tili hám kurslar kesiminde studentler sanınan kelip shıǵıp, tolıq bilimlendiriw grantı hám tolıq bolmaǵan bilimlendiriw grantına ajıratıladı. Grantlar muǵdarı oqıw jılı tamamlanıwınan keminde altı ay aldın joqarı bilimlendiriw shólkemleriniń rásmiy veb-saytında járiyalanadı.
Kegeyli rayonı ádillik bólimi
PHAJ bólimi 1-dárejeli inspektorı: R.Samambetova