Янгиликлар
28
Bozataw rayonı ádillik bólimi Mámleketlik xızmetler orayı tárepinen 2024-jıl dawamında ámelge asırılǵan jumıslar
Bozataw rayonı ádillik bólimi Mámleketlik xızmetler orayı tárepinen 2024-jıl dawamında fizikalıq hám yuridikalıq shaxslarǵa 8515 mámleketlik xızmetler kórsetilip, sonnan 1840 xızmetlerdi puqaralar, orayǵa múrájat etpesten onlayn tárizde yaǵnıy, Birden-bir interaktiv mámleketlik xızmetler portalı (my.gov.uz hámde fo.birdarcha.uz) sistemaları arqalı ámelge asırılǵan. Sonday-aq rayon orayınan alıs aymaqlarǵa shıǵıw arqalı puqaralardıń waqıtların tejew hámde olardıń uzaǵın jaqın qılıw, sonıń menen birge imkaniyatı sheklengen puqaralarǵa qolaylıqlar jaratıw maqsetinde oray xızmetkerleri tárepinen orınlarǵa barǵan halda kóshpeli xızmetler ámelge asırılıp kelinbekte, bulardıń nátiyjesinde 2024-jıl dawamında puqaralarǵa 963 kóshpeli mámleketlik xızmetler kórsetildi.
Sonıń menen birge 288 isbilermenlik subyektleri jańadan mámleketlik dizimnen ótkerildi. Sonnan 67 yuridikalıq, 221 fizikalıq shaxslar dizimnen ótkerilgen.
Sonday-aq 136 isbilermenlik subyektleri qayta mámleketlik dizimnen ótkerilip, 118 yuridikalıq shaxs,18 jeke tártiptegi isbilermenlerdi quraydı.
Jámi 62 isbilermenlik subyektleri mámleketlik dizimnen shıǵarılǵan.
Oray tárepinen 2024-jıl dawamında fizikalıq shaxslarǵa hám, yuridikalıq shaxslarǵa 1360 elektron sanlı qol tańbalar alıp berilgen.
Ǵalaba-xabar quralları arqalı huquqıy úgit-násiyat jumısların alıp barıw boyınsha oray xızmetkerleri tárepinen 17 márte huquqıy úgit-násiyat jumısları ámelge asırılǵan. Atap aytqanda televideniyede 2 márte, radioda 12 márte, gazetada 1 márte, veb sayt hám basqada sociallıq tarmaqlarda 2 márte shıǵıwlardı ámelge asırǵan.
2024-jıl 6 ay dawamında tiykarsız orınlawdan bas tartılǵanlıǵı sebepli hám orınlaw múddeti keshikkenligi sebeli huqıqıy baha beriw ushın ministrlikke 122 arnawlı xabar shıǵarıldı.
Bunnan tısqarı Ózbekstan Respublıkası prezidentiniń PP-80-sanlı Pármanına tiykar puqaralarımızǵa mámleketlik xızmetlerden paydalanıwda qolaylıq jaratıw maqsetinde rayon orayınan 25 km qashıqlıqta jaylasqan Erkindarya APJ imaratına infokioska ornatılǵan bolıp bul puqaralarımızǵa orayǵa kelip júrmesten 24 túrdegi mámleketlik xızmetlerden sol jerdiń ózinde paydalanıw mumkinshiligin beredi.
Bozataw rayonı ádillik bólimi
Mámleketlik xızmetler orayı direktorı M.Xudaybergenov