Янгиликлар
28
Naturar kóshpes múlkti basqa shaxsqa ótkeriw boyınsha kompozit mámleketlik xızmeti engizildi
Naturar kóshpes múlkti basqa shaxsqa ótkeriw boyınsha kompozit mámleketlik xızmetin engiziw boyınsha Ózbekstan Respublikası Minstrler Kabinetiniń 2024-jıl
29-noyabr kúngi 795-sanlı qararı menen “Naturar kóshpes múlkti basqa shaxsqa ótkeriwge tiyisli shártnamalardı rásmiylestiriw hám oǵan bolǵan huqıqlardı mámleket diziminen ótkeriw boyınsha kompozit mámleket xızmetin kórsetiwdiń” Hákimshilik reglamenti tastıyıqlandı.
Usı Hákimshilik reglament (keyingi orınlarda-Reglament) yuridikalıq shaxslar arasında naturar kóshpes mulkti pútinliginshe basqa shaxsqa ótkeriwge tiyisli eki tárepleme shártnamalardı rásmiylestiriw hám olarǵa bolǵan huqıqlardı mámleket diziminen ótkeriw boyınsha mámleket xızmetin (keyingi orınlarda- mámleket xızmeti) kórsetiw tartibin belgileydi.
Yuridikalıq shaxslardıń baslıqları yamasa olardıń wákilleri (keyingi orınlarda- arza beriwshiler) mámleket xızmetinen paydalanıw ushın Orayǵa ózi kelip muraját etedi.
Bunda yuridikalıq shaxslardıń wákilleri tiykarǵı jumıs ornı boyınsha bul shólkemde islep atırǵan bolıwı kerek.
Mámleket xızmetinen paydalanıw ushın shártnamada qatnasıwshı tárepler bir waqıttıń ózinde Orayda bolıwı talap etiledi.
Arza beriwshilerdiń shaxsın tastıyıqlaytuǵın hújjetleri talap etilmegen halda olar Face-ID sisteması arqalı identifikaciya etiledi.
Arza beriwshiler Orayǵa tómendegi maǵlıwmat hám hújjetlerdi:
noturar kóshpes múlk obyektiniń kadastr nomeri, manzili, atı;
yuridikalıq shaxstıń tolıq atı, STIRi, pochta manzili, telefon nomeri, esap-kitap nomeri, bank atı, bank kodı (nomeri) MFO;
yuridikalıq shaxs baslıǵınıń (wákili) F.I.O., JSHSHIR;
yuridikalıq shaxs wakillikli basqarıw organınıń naturar kóshpes mulkti satıw haqqındaǵı qararı (bayanlaması );
yuridikalıq shaxstıń wákiline berilgen isenim xatı -yuridikalıq shaxstıń wákili muraját etken jaǵdayda usınıs etiliwi belgilengen.
Arza beriwshilerdiń F.I.O., JSHSHIR hám pasport (ID-karta) maǵlıwmatları Face-ID sisteması arqalı avtomatikalıq túrde anıqlanadı.
Oray arza beriwshiler atınan noturar kóshpes mulkti basqa shaxsqa ótkeriw shártnamasın elektron formada toltıradı.
Arza beretuǵınlardıń shaxsı Face-ID sistemasınan identifikaciya etilgenligi shártnama olar tárepinen qol qoyılǵanlıǵın tastıyıqlaydı.
Shártnama rásmiylestirilgenligi ushın bazalıq esaplaw muǵdarınıń 2 esesi muǵdarında jıyım ondiriliwi belgilengen.
Qaraózek rayonı ádillik bólimi
bas másláhátshisi Sh.Erlepesov