Янгиликлар
26
Jaramsız halǵa kelgen yáki joytılǵan miynet dáptershesindegi jazıwlardı tastıyıqlaw boyınsha mámleketlik xızmetlerdi kórsetiw tártibi
Jaramsız halǵa kelgen yáki joytılǵan miynet dáptershesindegi jazıwlardı tastıyıqlaw boyınsha mámleketlik xızmet kórsetiw tártibi Ózbekstan Respublikası Ministrler Kabinetiniń 2021-jıl 23-sentyabrdegi «Arxiv isi hám is júritiw tarawında mámleketlik xızmetler kórsetiwdiń ayırım hákimshilik reglamentlerin tastıyıqlaw haqqında»ǵı 597-sanlı qararı menen tártiplestiriledi.
Arza beriwshi mámleketlik xızmetlerden paydalanıw ushın mámleketlik xızmetler orayına ózi kelip múrájat etedi yáki mámleketlik xızmetlerden elektron formada paydalanıw ushın Birden-bir interaktiv mámleketlik xızmetler portalınan dizimnen ótedi. Arza beriwshi ózi kelip múrájat etkende, mámleketlik xızmetler orayı xızmetkeri arza beriwshi atınan, Birden-bir interaktiv mámleketlik xızmetler portalı arqalı múrájat etkende - ǵárezsiz sorawnamani elektron tárizde toltıradı.
Arza beriwshi isenim xat tiykarında háreket qılıp atırǵan bolsa, sorawnamaǵa notarial tastıyıqlanǵan isenim xat kóshirmesi júklenedi. Mámleketlik xızmetler orayı tárepinen sorawnama toltırılǵannan soń arza beriwshi maǵlıwmatlardıń durıslıǵın tekserip, sorawnamanı qol tańbalardı identifikaciya qılıwdıń tiyisli quralları (ESI, daktiloskopiya, elektron sanlı qol tańba, Mobil-ID hám basqalar) menen tastıyıqlaydı. Arza beriwshi Birden-bir interaktiv mámleketlik xızmetler portalı arqalı múrájat etkende, sorawnamanı ESI (elektron sanlı qol tańba) menen tastıyıqlaw talap etilmeydi.
Mámleketlik xızmet kórsetilgenligi ushın jaramsız halǵa kelgen yáki joytılǵan miynet dáptershesindegi 1 shólkemdegi jumısqa kirgen hám jumıstan bosatılǵanlıǵı boyınsha jazıwlardı tastıyıqlaw ushın bazalıq esaplaw muǵdarınıń 0,08 esesi muǵdarında jıyım óndiriledi. Bunda mámleketlik xızmetlerden paydalanıw ushın Birden-bir interaktiv mámleketlik xızmetler portalı arqalı múrájat etkende, jıyım swmmasınıń 90%i óndiriledi.
Tiyisli mámleketlik arxiv sorawnama túsken waqıttan baslap jaramsız halǵa kelgen yáki joytılǵan miynet dáptershesindegi jazıwlardı tastıyıqlaw boyınsha maǵlıwmatnamalar ushın 20 jumıs kúninen aspaǵan múddette tiyisli QR-kodlı
(matrik shtrixli kod) maǵlıwmatnamanı qáliplestiredi hám de ( ózi kelip múrájat etken jaǵdayda) tiyisli mámleketlik xızmetler orayına yáki (elektron formada múrájat etken jaǵdayda) Birden-bir interaktiv mámleketlik xızmetler portalı arqalı elektron formada arza beriwshige jiberiledi. Bunda tólengen jıyım, eger bar bolsa, bank xızmeti tólewin ayırǵan halda, sorawnamanı qabıl qılǵan arxivtan sorawnamanı orınlaǵan arxivqa ótkeriledi. Sorawnama arxiv hújjetleri tiykarında kórip shıǵılıp, tiyisli maǵlıwmat anıqlanbaǵan jaǵdayda, tólengen jıyım muǵdarı arza beriwshige qaytarılmaydı.
Ministrliktiń sektor baslıǵı A.Ixlasov