Янгиликлар
27
Xojalıq tutınıwshıların 20 kVt qa shekem bolǵan elektr tarmaqlarına jalǵaw
Ózbekstan Respublikası Ministrler Kabinetiniń 2021-jıl 31-avgust kúngi 555-sanlı qararı qabıl etildi. Qararǵa tiykar fizikalıq hám yuridikalıq shaxslardı elektr energiyasına jalǵaw boyınsha mámleketlik xızmetlerdi kórsetiwdiń hákimshilik reglamenti tastıyıqlandı ham bul mámleketlik xızmetler kórsetiw tártibin belgileydi.
Reglament elektr tarmaqlarına jalǵanıp atırǵan tutınıwshılarǵa olardıń jańa rekonstrukciya qılınıp atırǵan elektr qurılmaların, sonday aq, jalǵanǵan elektr támiynatı quwatlılıǵı kóbeymegen halda sxeması ózgergende, elektr támiynatı isenimliligi boyınsha kategoriyası hám jalǵanıw nuqtaları ózgertilgende ámel etiledi.
Tómendegi jaǵdaylarda tutınıwshılardıń elektr úskenelerin elektr tarmaqlarına jalǵaw islerin ámelge asırıw ushın texnikalıq shártti (keyingi orınlarda -texnikalıq shárt), elektr támiynatı joybarların, ámelge asırılǵan qurılıs-montaj hám sazlaw-iske túsiriw isleri hámde elektr úskenelerin texnik kórikten ótkeriw boyınsha akttı rásmiylestiriw talap etilmeydi.
Jalǵanatuǵın quwatlılıq 20 kVt qa shekem bolǵan xojalıq tutınıwshılardıń úy jayları hám xanaların elektr tarmaqlarına jalǵawda;
Tutınıwshınıń familiyası, atı hám ákesiniń atı ózgergende, turaq jaylar, sonıń menen birge, kóp xanalı úylerdiń jalǵanǵan quwatlılıǵı hám sırtqı elektr támiynatı sxeması ózgermegen halda iyesi ózgergende (kóshpes múlk aldı-sattı shártnaması, sawǵa shártnaması hám basqa hújjetler tiykarında) yamasa kóshpes múlk obyekti basqaǵa ótkende;
yuridikalıq tutınıwshılardıń jalǵanǵan quwatlılıǵı hám sırtqı elektr támiynatı sxeması ózgermegen halda yuridikalıq shaxstıń shólkemlestiriwshi-huqıqıy forması hám (yamasa) shólkem ataması ózgergende.
Bunda tutınıwshılar qurılıs-montaj hám ólshew quralın ornatıw isleri tamamlanǵannan soń elektr energiyasın ólshew úskenesi hám sistemasın tamǵalaw hám elektr támiynatı shártnamasın dúziw ushın óz qálewine kóre Mámleketlik xızmetler orayı, Birden bir interaktiv mámleketlik xızmetler portalı (keyingi orınlarda BIMXP) yaki «ELEKTR» dástúriy támiynatı (keyingi orınlarda- Onlayn platforma) arqalı múrájaat qıladı.
Eger qurılıs-montaj islerin ámelge asırıw hám ólshew úskenesin ornatıw yaki almastırıw talap etilmese, tutınıwshılarǵa tek elektr támiynatı shártnaması Mámleketlik xızmetler orayı, BIMXP yaki Onlayn platforma arqalı jiberiledi.
4. Tutınıwshılardı elektr tarmaqlarına jalǵaw barısında tómendegiler ámelge asırıladı:
Aymaqlıq elektr tarmaqları kárxanası:
Texnikalıq shártti islep shıǵadı hám olardı Onlayn platformaǵa kiritedi, tutınıwshınıń qálewi menen oferta shártnaması imzalanǵannan soń paydalanıwǵa tayar halda elektr tarmaǵına jalǵaw isleri ámelge asıradı;
quwatlılıǵı 20kVtqa shekem bolǵan tutınıwshılar ushın elektr tarmaǵına jalǵanıw sxemasın islep shıǵadı hám de qurılıs-montaj hám sazlaw-iske túsiriw isleri elektr támiyinatı joybarın islep shıǵıw kelisiw talap etilmesten ámelge asrıladı.
Mámleketlik xızmetlerdi kórsetiw tártibi.
Tutınıwshı Mámleketlik xızmetler orayına ózi kelip múrájaat etedi yamasa BIMXP yaki Onlayn platforma arqalı múrájat etiw ushın dizimnen ótedi.
Tutınıwshı ózi kelip múrájaat etken jaǵdayda oray xızmetkeri múrájaatshı atınan, BIMXP yaki Onlayn platforma arqalı múrájaat etkende ózi ǵárezsiz ráwishte mámleketlik xızmetten paydalanıw ushın sorawnamanı elektron túrde toltıradı hám maǵlıwatlardıń durıslıǵın tekserip, imzalardıń identifikaciyalawdıń tiyisli quralı (daktiloskopiya, elektron imzo, Mobil-ID hám basqalar) menen tastıyıqlaydı. Tutınıwshı BIMXP arqalı múrájaat etkende sorawnamanı elektron sanlı imza menen tastıyıqlaw talap etilmeydi.
Mámleketlik xızmet kórsetiw ushın bazalıq esaplaw muǵdarınıń 10 payızı muǵdarında jıyım óndiriledi.
Tutınıwshı BIMXP arqalı múrájaat etkende joqarıda kórsetilgen jıyım puldıń 90 payızı óndiriledi al, Onlayn platforma arqalı múrájaat etkende jıyım pul óndirilmeydi. Mámleketlik xızmetleri yáki BIMXP arqalı mámleketlik xızmetler kórsetilgende «Sociallıq qorǵaw birden-bir reestri» málimleme sistemasında dizimge alınǵan shaxslar, I hám II topar mayıplıǵı bolǵan shaxlarǵa óndirletuǵın jıyım puldıń 50 payızı muǵdarında shegirme qollanıladı.
Tutınıwshıǵa múrájaat etken kúnnen baslap 3 is kúni ishinde múrájaatınıń nátiyjesi boyınsha quwatlılıǵı 20kVtqa shekem bolǵan elektr tarmaqlarına tayar jaǵdayda jalǵaw boyınsha texnikalıq shárt beriledi.
Nókis qalası ádillik bólimi Mámleketlik
xızmetler orayı direktorı S.Asanov