Янгиликлар
27
Shańaraq bekkemligi - jámiyet negizi bolıp tabıladı
Hár qanday jámiyettiń ruwxıy negizi shańaraq esaplanadı. Mámlekettiń rawajlanıwda shańaraqtıń bekkem bolıwı tikkeley shańaraqtıń social roliniń zárúrli ekenliginen dárek bolıp tabıladı. Saw shańaraqqa tiyisli qatnaslardıń qáliplesiwi áwele, jámiyettiń social rejimin belgileytuǵın tiykarǵı faktorlardan biri bolıp tabıladı.
Hár qanday jámiyettiń bekkemligi, rawajlanıwı shańaraqqa baylanıslı. Sebebi, jámiyette bolatuǵın social qatnaslardıń dáslepki elementi shańaraqta payda boladı hám qáliplesedi.
Áwele, shańaraqtaǵı tárbiyanıń basqa tárbiyalardan parqı, abzallıǵı tárbiya onda tek úyretiw, oqıtıw, atap ótiw menen emes, barlıq zatlarda úlken jasdagilarni kishi jaslar ushın órnek kórsetiwi ushın alıp barıladı.
Mámleketimizde shańaraqtı huqıqıy qorǵawı Konstituciya dárejesinde bekkemlenip qoyılǵan bolıp, shańaraq, balalar hám jaslar ushın arnawlı XIV-bap 76-80–statyaları ajıratıldı. Bunday jaǵday, yaǵnıy shańaraqtıń qorǵawı Konstituciya dárejesinde belgileniwi basqa mámleketlerde Konstituciyalarında ushıratpaymiz.
Shańaraq jámiyettiń ajıralmaytuǵın bólegi hám ámeldegi bolıw shárti, dep qaraladı hám álbette, ol jaǵdayda eki jınstıń, er adam hám hayaldıń birlesiwi bolıwı, bul birlesiw arqalı jańa insanlar keliwi názerde tutıladı. Áne usılardan kelip shıǵıp, Konstituciyaning 76-statyasında,, Shańaraq jámiyettiń tiykarǵı buwını bolıp tabıladı., degen qaǵıyda óz sawleleniwin tapqan. Konstituciyada shańaraqtı jámiyettiń buwını retinde tán alınıwı xojalıqsız jámiyet bolıwın, rawajlanıw qáwip astında qalıwın kórsetedi.
Shańaraqtı qollap-quwatlaw, qorǵaw mámlekettiń Konstituciyalıq minneti. Mámlekettiń shańaraqqa ǵamxorlıǵı nızam tiykarında qurılǵan bolıp, áwele ol Shańaraq kodeksinde belgilengen. Mámleketimizde shańaraq dúziw tiykari neke esaplanadı. Neke shańaraq dúziwdiń nızamlı shárti bolıp, ol Konstituciyada da belgilengen.
Bunnan tısqarı, saw hám bekkem shańaraqtıń payda bolıwı ushın mámleket tárepinen ilajlar hám de normativlik-huqıqıy hújjetler qabıl etilip atır. Atap aytqanda, Ózbekstan Respublikası Prezidentiniń 2004-jıl 25-maydaǵı PF-3434-sanlı Pármanında názerde tutılǵan maqset hám wazıypalar, Ministrler Kabinetiniń 2002-jıl 5-iyuldagi 242-sanlı Qararınıń orınlanıwı mámleketimizde salamat shańaraqlardıń payda bolıwına mákán jaratıp atır.
Juwmaq ornında sonı da aytıw kerek, eń úlken baxıt, shańaraǵımız paraxatshılıǵı bolıp tabıladı. Shańaraq kishi watan, shańaraq tınısh bolsa, watan tınısh boladı. Saw hám bekkem shańaraq jámiyet turaqlılıǵın hám rawajlanıwda tákirarlanbas orın tutadı. Ol keleshek hám párawanlıq júzege keltirwshi ózgermeytuǵın tiykar bolıp xızmet etedi. Házirgi kúnde shańaraq bizde eń birinshi joqarı buwın esaplanıwı da mentalitet ornına da ózimiz tán hám uyqas joldan kelip shıqqan halda shańaraq biz ushın házirgi kúndegi hár qanday jámiyettiń tiykarı esaplanadı.
Nókis qalası ádillik bólimi Mámleketlik
xızmetleri orayı bas qánigesi T.Shılmanov