Янгиликлар
26
Nızamshılıqtaǵı jańalıqlar
Mámlekettiń rásmiy hám qısqartılǵan atamasın firma atamalarına kiritiw boyınsha hákimshilik reglament tastıyıqlandı.
Sońǵı jıllarda isbilermenlik subyektlerine qolay imkaniyatlar jaratıw, isbilermenlik iskerligin baslawda byurokratiyalıq tosqınlıqlardı biykar etiw arqalı isbilermenlik iskerligin júritiwdi ańsatlastırıw barısında sistemalı reformalar ámelge asırıldı.
Ózbekstan Respublikası Ministrler Kabinetiniń 06.02.2025-jıldaǵı Firma atamaların beriw hám olardan paydalanıw tártiplerin jáne de jetilistiriwdiń qosımsha is-ilájları haqqında 65-sanlı qararı qabıllandı.
Qarar menen «Mámlekettiń rásmiy hám qısqartılǵan atamasın firma atamalarına kiritiw boyınsha mámleketlik xızmet kórsetiwdiń hákimshilik reglamenti tastıyıqlandı.
Reglamentke tiykar: mámlekettiń ataması beriletuǵın yuridikalıq shaxslar bular: Ózbekstan Respublikası Nızamlarına, Oliy májlis palatalarınıń qararlarına, Ózbekstan Respublikası Prezidenti hám Ministrler Kabinetiniń qararlarına muwapıq shólkemlestiriletuǵın yuridikalıq shaxslar, mámleketlik organları hám shólkemleri tárepinen shólkemlestiriletuǵın mámleketlik mákemeleri, ustav fondında (ustav kapitalında) mámleket úlesi 50 payızdan artıq bolǵan xojalıq jámiyetleri, respublika ahmiyetine iye bolǵan yuridikalıq shaxslar birlespeleri, respublika hám jergilikli atqarıwshı hákimiyat uyımları, xojalıq birlespeleriniń Ózbekstan Respublikası Ádillik ministrligine berilgen múrájatları tiykarında shet el investiciyalar qatnasıwındaǵı kárxanalarǵa beriledi.
Atama alıw ushın arza beriwshi ózi kelip múrájat etken táǵdirde mámleketlik xızmetler orayı múrájattı avtomatlastırılgan sistema arqalı wákillikli organǵa yaǵnıy, tiyisliligi boyınsha Qaraqalpaqstan Respublikası Ádillik ministrligi, wálayatlar hám Tashkent qalası ádillik basqarmalarına jiberedi.
Mámleketlik xızmeti kórsetilgenligi ushın bazalıq esaplaw muǵdarınıń eliw procenti muǵdarında jıyım óndiriledi, bul jıyım Ózbekstan Respublikası Nızamlarına, Oliy Majlis palatalarınıń qararlarına, Ózbekstan Respublikası Prezidenti hám Ministrler Kabinetiniń qararlarına muwapıq shólkemlestiriletuǵın yuridikalıq shaxslar, mámleketlik uyımları hám shólkemleri tárepinen shólkemlestiriletuǵın mámleketlik mekemelerine qarata óndirilmeydi.
Wákillikli uyım eki jumıs kúni dawamında sorawnamanı kórip shıǵadı hám de kórip shıǵıw nátiyjeleri boyınsha buyırtpa etilgen firma atamasın bánt etedi yamasa bánt qılıwdı biykarlaydı.
Arza beriwshi on kún múddette tólewdi ámelge asırıwı kerek, tólewdi ámelge asırmaǵanda wákillikli organ buyırtpa etilgen firma atamasın bánt etiliwin biykar etedi.
Arza beriwshi tańlaǵan firma ataması sistemada 60 kún dawamında bántlenedi hám bul múddet ó’tkennen soń firma ataması avtomat tárzde biykar etiledi. Usı atamanı qayta bántlew ushın jıyım tólemesten múrájat etiw huqıqına iye boladı.
Nókis qalası ádillik bólimi
Mámleketlik xızmetler orayı
jetekshi qánigesi S.Mnajov