Янгиликлар
26
Fizikalıq shaxslarǵa mámleket esabınan yuridikalıq járdem kórsetiledi
Húkimet Qararı (774-sanlı, 21.11.2024 j.) menen Mámleket esabınan yuridikalıq járdem kórsetetuǵın advokatlardı tartıw hám olarǵa haqı tólew tártibi haqqındaǵı Reje tastıyıqlandı
Reje menen mámleket esabınan yuridikalıq járdem kórsetetuǵın advokatlardı tartıw hám olarǵa haqı tólew tártibi belgilendi.
Rejege bola, mámleket esabınan kórsetiletuǵın yuridikalıq járdem – Nızamda belgilengen tártipler hám shártlerge muwapıq mámleket esabınan tolıq yamasa bir bólegi kórsetiletuǵın, fizikalıq shaxslardıń huqıqları, erkinlikleri hám nızamlı máplerin qorǵawǵa qaratılǵan mamanlı yuridikalıq járdem esaplanadı.
Tómendegi fizikalıq shaxslarǵa mámleket esabınan yuridikalıq járdem kórsetiledi:
1. kem támiyinlengen shaxslar, eger olar:
-puqaralıq isleri boyınsha dawagerler yamasa juwapkerler;
-hákimshilik isleri boyınsha arza beriwshiler;
- hákimshilik qamaq tárizindegi hákimshilik jaza názerde tutılǵan hákimshilik huqıqbuzarlıqtı ámelge asırǵan shaxslar;
jınayat isleri boyınsha ayıplanıwshılar, sudlanıwshılar gúmanlanıwshılar bolsa;
2.psixologiyalıq jaǵdayı buzılǵan fizikalıq shaxslar, olarǵa “Psixiatriya járdemi haqqında”ǵı Nızamǵa muwapıq psixiatriya járdemi berilip atırǵanda;
3.óz huqıqları buzılǵan, “Hayal-qızlar hám er adamlar ushın teń huqıq hám de imkaniyatlar kepillikleri haqqında”ǵı Nızamda názerde tutılǵan hayal-qızlar hám er adamlardıń teń huqıqlılıǵı buzılǵanlıǵı munásibeti menen sudqa múrájat etken fizikalıq shaxslar;
Mámleket esabınan yuridikalıq járdem alıw ushın fizikalıq shaxslar eksterritoriallıq principi tiykarında ádillik bólimine awızeki, jazba hám elektron túrde múrájat etedi:
elektron túrdegi múrájatlar Birden-bir identifikaciya sistemasınan (OneID) dizimnen ótken túrde, “Yuridikalıq járdem” málimleme sisteması arqalı jiberiledi.
elektron túrdegi múrájatlar Birden-bir identifikaciya sistemasınan (OneID) dizimnen ótken túrde, “Yuridikalıq járdem” málimleme sisteması arqalı jiberiledi.
awızeki hám jazba múrájatlar tiyisli ádillik bólimi tárepinen múrájat kelip túsken kúnniń keyingi jumıs kúninen keshiktirmey sistemaǵa kirgiziledi.
Advokatqa belgilengen muǵdarda haqı tóleniwi menen birge xızmet saparı hám transport qárejetleri advokat shártnama dúzgen orınnan 50 km aralıqtan uzaq bolǵan aymaqqa yuridikalıq járdem kórsetilgen jaǵdaylarda qaplanadı.
Tórtkúl rayonı ádillik bólimi
Mámleketlik xızmetleri orayı servis menedjeri E.Kanimkulov