Янгиликлар
27
Konstituciyada puqaralardıń minnetlemeleri
Ózbekstan Respublikası Konstituciyasınıń XI babı puqaralardıń minnetlemelerine baǵıshlanǵan bolıp, bul jerde jámi 6 statyada puqaralardıń tiykarǵı minnetlemeleri belgilengen.
Konstituciya puqaralar Ózbekstan xalqınıń tariyxıy, mádeniy, ilimiy hám tábiyiy miyrasın asırap-abaylawı shárt. Haqıyqatında da, xalqımız bay tariyxıy, ruwxıy hám mádeniy miyras iyesi bolıp tabıladı.
Ózbekstan Respublikası Konstituciyası puqaralardıń qorshaǵan ortalıqqa abaylı qatnasta bolıw minnetlemesin belgileydi.
Álbette, pán-texnika rawajlanıwı sáwlelengen házirgi ásirimizde insániyattıń ómir súriwi ornı bolǵan tábiyiy qorshaǵan ortalıq ayrıqsha qorǵawǵa mútáj. Bunday qorǵaw belsendi mámlektlik uyımlar hám jámiyetshilik strukturaları tárepinen ámelge asırıladı. Puqaralardıń qorshaǵan tabiyiy ortalıqqa abaylı qatnasta bolıw minnetlemesi «Tábiyattı qorǵaw haqqında»ǵı nızamında hám belgilengen bolıp, tábiyattı qorǵaw hám tábiyat resurslarınan paydalanıw, jer, suw, toǵay hám atmosfera hawasın saqlaw, ósimlik hám haywanat dúnyası hám basqalar Ózbekstan Respublikası nızamları menen qorǵaladı.
Puqaralardıń nızamlar menen belgilengen salıqlar hám jıyımlardı tólew minnetlemesi Konstituciyalıq dárejede bekkemlengen. Mámleketimiz bazar ekonomikasına óte baslaǵanı múnásibeti menen Konstituciyada birinshi márte salıq tólew minnetlemesi nızamlastırıldı. Puqaralardıń salıq tólew minnetlemesi Ózbekstanda puqaralar nızam menen belgilengen salıqlar hám jergilikli jıyımlardı tólewge minnetliligi hám bul haqqında mámleketimiz tárepinen bir qatar nızam hújjetleri shıǵarılıp, salıq tólewden bas tartqan shaxslar tiyisli hákimshilik hám jınayıy juwapkershilikke tartıladı.
Konstituciyamızdıń 64-statyasında Ózbekstan Respublikasın qorǵaw Ózbekstan Respublikası hár bir puqarasınıń minnetlemesi bolıp tabıladı. Ózbekstannıń hár bir puqarası «Ulıwma áskeriy minnetleme hám áskeriy xızmet haqqında»ǵı hám «Qurallı kúshler rezervindegi xızmet haqqında»ǵı nızamlarǵa muwapıq áskeriy xızmetti óteydi. Bul nızamlar Watandı qorǵaw haqqındaǵı minnetlemeni orınlaw tártibi, múddetleri, shárt-sharayatları hámde jeńillikleri máselelerin tártipke saladı.
Juwmaqlap aytqanda, hár birimiz Konstituciyalıq minnetlememizdi orınlaw arqalı mámleket tárepinen belgilengen huqıq hám erkinliklerimizden tolıq paydalanamız.
Moynaq rayonı ádillik bólimi baslıǵı R.Annarazov