Янгиликлар
27
Alkogol hám temeki ónimlerin islep shıǵarıwda mámleketlik qadaǵalaw jetilistiriledi
"Alkogol hám temeki bazarın tártipke salıw sistemasınıń jetilistiriliwi múnásibeti menen Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında"ǵı Nızam (ÓRN-1034-sanlı, 20.02.2025-j.) qabıl etildi.
Usı Nızam menen "Mámleketlik bajı haqqında"ǵı hám "Licenziyalaw, ruxsat beriw hám xabardar etiw tártip-qaǵıydaları haqqında"ǵı nızamlarǵa Alkogol hám temeki bazarın tártipke salıw inspekciyasınıń tutınıw hám texnikalıq etil spirti, alkogol hám temeki ónimlerin islep shıǵarıw hám de olardıń kótere sawdası tarawında licenziyalaw hám xabardar etiw tártip-qaǵıydalarına, sonday-aq olardıń kótere sawdasına baylanıslı talaplarǵa ámel etiliwi ústinen qadaǵalawdı ámelge asırıwshı wákillikli mámleketlik uyım sıpatındaǵı wákilliklerin anıqlastırıwshı ózgerisler kirgizilmekte.
Bunnan tısqarı "Mámleketlik bajı haqqında"ǵı Nızamda tutınıw hám texnikalıq etil spirti, alkogol ónimlerin islep shıǵarıwǵa, sonday-aq, alkogol ónimleriniń kótere sawdasına baylanıslı jumısqa berilgen licenziya ushın jıllıq mámleketlik bajını tólew múddeti belgilenbekte.
Bunda gezektegi jıllıq tólem licenziyadan paydalanıwdıń keyingi jılı baslanıwınan keminde 30 kún aldın tólenedi, keyingi tólem belgilengen múddette tólenbegen jaǵdayda, licenziyanıń ámel etiwi toqtatıp turıladı.
Sonday-aq, "Alkogol hám temeki ónimleriniń tarqatılıwın hám paydalanılıwın sheklew haqqında"ǵı Nızamǵa pivo hám pivo ishimlikleriniń kótere sawdasına baylanıslı, sonday-aq, temeki ónimleriniń kótere hám usaqlap satıwına baylanıslı jumıs wákillikli mámleketlik uyımǵa bunday jumıstıń baslanıwı haqqında xabarnama jiberiw jolı menen ámelge asırılıwı múmkin ekenligin názerde tutatuǵın norma kirgizilmekte.
Taxtakópir rayonı ádillik bólimi
Mámleketlik xızmetler orayı
bólim baslıǵı M.Allambergenov