Янгиликлар
25
Ádillik uyımları hám PHAJ uyımlarınan shıģatuģın hújjetlerge apostil qoyıw tártibi
Ózbekstan Respublikası Ministrler Kabinetiniń 2021-jıl 3-dekabrdegi 732-san qararı 1-qosımshası menen “Rásmiy hújjetlerge apostil qoyıw boyınsha mámleketlik xızmetlerin kórsetiwdiń hákimshilik reglamenti” tastıyıqlanǵan.
Usı Reglament fizikalıq hám yuridikalıq shaxslarǵa (keyingi orınlarda - múrájat etiwshıler) wákillikli mámleketlik shólkemleri tárepinen Ózbekstan Respublikası aymaǵında dúzilgen rásmiy hújjetlerge “Apostille” arnawlı shtampini (keyingi orınlarda - apostil) qoyıw boyınsha mámleket xızmeti (keyingi orınlarda - mámleketlik xızmeti) kórsetiw tártibin belgileydi.
Apostil menen Shet el rásmiy hújjetlerdi legallastırıw talabın biykar etiwshi konvensiyanıń (Gaaga, 1961-jıl 5-oktyabr) (keyingi orınlarda - Konvensiya) 5-statyasına muwapıq, rásmiy hújjetke qol qoyǵan lawazımlı shaxstıń qolı haqıyqıylıǵı, qol qoyıw wákilligi bar ekenligi hám de hújjetti tastıyıqlaǵan mór yamasa shtamp baspa iziniń haqıyqıylıǵı tastıyıqlanadı.
Múrájat etiwshi mámleketlik xızmeti alıw ushın wákillikli uyımǵa ózi kelgen halda múrajat etedi. Múrájat etiwshi ornına isenim xatı tiykarında háreket etıp atırǵan úshinshi shaxslar da múrájat etiwleri múmkin.
Wákillikli uyım xızmetkeri múrájat etiwshi atınan bul Reglamenttiń 2-qosımshasına muwapıq elektron formadaǵı sorawnamanı toltıradı.
Sorawnamaǵa shet el mámleketi - Konvensiya qatnasıwshısı aymaģında paydalanatuģın rásmiy hújjet yamasa rásmiy bolmaģan hújjetlerdiń notarial tastıyıqlanģan nusqası qosımsha etiledi. Sorawnamaģa zárúr maģlıwmatlar rásmiylestirilgen hám kiritilgennen keyin múrájat etiwshi onı óz qolı menen tastıyıqlaydı.
Sorawnamanı kórip shıǵıw ushın:
Ádillik uyımlarınıń hám mákemelerinen hám de puqaralıq halatı aktlerin jazıw uyımlarınan shıģatuģın rásmiy hújjetler boyınsha - bazalıq esaplaw muǵdarınıń 20 procenti muģdarında;
basqa hújjetler boyınsha - bazalıq esaplaw muǵdarınıń 10 procenti muǵdarında jıyım óndiriledi.
Múrájat etiwshi rásmiy múrájat etkeninen keyin tólengen jıyım summası qaytarılmaydı.
Jıyım summası Reglamenttiń 30-bánti “v” kishi bántinde belgilengen tártipte bólistiriledi.
Sorawnama rásmiy hújjetler usınıs etilgen kúnnen baslap wákillikli uyım tárepinen eki jumıs kúni ishinde kórip shıģıladı.
Qol úlgisin hám apostil qoyıw ushın usınıs etilgen rásmiy hújjetti qol qoyǵan anıq lawazımlı shaxstıń qol qoyıw wákilliklerin tastıyıqlaw hám (yamasa) rásmiy hújjet shıqqan shólkem mór baspa izi úlgisin talap etiw zárúr bolǵanda, rásmiy hújjetke apostil qoyıw haqqındaǵı sorawnamanı kórip shıǵıw múddeti on jumıs kúninen artıq bolmawı kerek.
Bunda, múrájat etiwshi wákillikli uyım tárepinen sorawnamanı kórip shıǵıw múddetleri uzaytırılģanlıģı haqqında xabar etiliwi kerek.
Apostil qoyıw ushın usınıs etiletuǵın rásmiy hújjetlerde tiyisli rekvizitler (tártip nomeri, sáne, qol, mór) hám lawazımlı shaxstıń qolları hám de mór, shtamplariniń haqıyqıylıǵı, sonday-aq “E-App” hám “E-register” programmalarınan paydalanǵan halda, tekserip alınadı.
Apostil qoyıw ushın usınıs etiletuģın rásmiy hújjetlerdegi lawazımlı shaxslardıń qolları hám mór baspa izi anıq bolıwı kerek.
Eger rásmiy hújjette dúzetiwler yáki qosımsha jazıwlar bolsa, olar rásmiy hújjetke qol qoyģan shaxs tárepinen jazılıwı kerek. Kórsetip ótilgen dúzetiwler yáki qosımsha jazıwlar qáte jazılǵan, keyinirek bolsa dúzetilgen hám ústinen sızılģanlardı dáslepki formada oqıw múmkin bolǵan tárizde orınlanıwı kerek.
Tómendegi jaǵdaylarda apostil qoyıwdan bas tartıladı:
rásmiy hújjette bul Reglamenttıń 15-bantine muwapıq zárúr rekvizitlerdiń hesh bolmaǵanda biri ámelde bolmasa yamasa lawazımlı shaxslardıń qolları hám de mór, shtamplarınıń haqıyqıy emesligi anıqlansa;
rásmiy hújjetti qol qoyǵan lawazımlı shaxs onı qol qoyıw wákilligine iye bolmasa;
wakillikli uyım tárepinen apostil qoyıwdan bas tartılǵanda, bul Reglamentke muwapıq bas tartıw haqqındaǵı bildiriw xatı bas tartıw sebepleri hám múrájat etiwshi kórsetip ótilgen sebeplerdi saplastırıp, tákirarıy kórip shıǵıw ushın rásmiy hújjetlerdi usınıwı múmkin bolǵan múddet (30 kalendar kún) kórsetilgen halda múrájat etiwshige (onıń wákiline) usınıs etiledi.
Wákillikli uyım xızmetkeri sol kúnniń ózinde múrájat etiwshige bas tartıw haqqındaǵı bildiriw xatı haqqında telefon yamasa “SMS-xabar” arqalı xabar beredi.
Sorawnama tákirarıy kórip shıǵılǵanlıǵı ushın jıyım óndirilmeydi.
Bas tartıw haqqındaǵı bildiriw xatında kórsetilgen múddet tamam bolǵannan keyin berilgen sorawnama jańadan berilgen esaplanadı.
Apostil qoyıw “E-App” programması arqalı shtamp generatsiya etilgeninen keyin rásmiy hújjetke apostil baspa izin basıw jolı menen ámelge asırıladı hám ol generatsiya etilgen shtampda ámelde bolǵan maǵlıwmatlar menen toltırıladı.
Taxtakópir rayonı ádillik bólimi
PHAJ bólimi 1-dárejeli inspektorı S.Baxtıberlieva