Янгиликлар
26
Nızamshılıqtaǵı jańalıqlar
Ózbekstan Respublikası Prezidentiniń 2024-jıl 24-maydaǵı «Hákimshilik reformaları sheńberinde ádillik organları hám mákemeleriniń juwapkershiligin jánede asırıw hámde ıxsham basqarıw sistemasın qáliplestiriw haqqında»ǵı
PP-80-sanlı Pármanınıń orınlanıwın támiyinlew, sonday aq, transport quralların islep shıǵarıwshı yuridikalıq shaxslarǵa transport qurallarınıń identifikaciya nomerin qáliplestiriw jumıslarınıń birden-bir tártibin belgilew hám onıń
ashıq-aydınlıǵın támiyinlew hám de xızmetler kórsetiw proceduraların ápiwayılastırıw maqsetinde Ózbekstan Respublikası Ministrler Kabinetiniń 2025-jıl 27-fevraldaǵı «Transport quralların islep shıǵarıwshı yuridikalıq shaxslarǵa transport qurallarınıń identifikaciya nomerin qáliplestiriw boyınsha mámleketlik xızmetin kórsetiwdiń hákimshilik reglamentin tastıyıqlaw haqqında»ǵı 127-sanlı Qararı qabıl etildi.
Qararǵa kóre Ministrler Kabineti janındaǵı Ózbekstan texnikalıq tárepten tártipke salıw agentliginiń Ózbekstan standartlar institutına transport quralların islep shıǵarıwshılardıń xalıqaralıq kodın beriw wazıypası júkletildi. Sonday aq, transport qurallarınıń identifikaciya nomeriniń dúziliwi, mazmunı hám de transport qurallarına identifikaciya nomerin qáliplestiriw tártibi boyınsha mámleketlik xızmetti kórsetiwdiń hákimshilik reglamenti tastıyıqlandı. Reglamentke kóre bul mámleketlik xızmet Mámleketlik xızmetleri orayları yaki Birden-bir interaktiv mámleketlik xızmetler portalı arqalı kórsetiledi.
Transport qurallarınıń identifikaciya nomeriniń (VIN kod) dúziliwi hám mazmunı úsh bólimnen ibarat boladı:
- islep shıǵarıwshınıń xalıqaralıq identifikaciya kodı (WMI kodı);
- táreplewshi bólim (VDS);
- kórsetiwshi bólim (VIS).
Xalıqaralıq islep shıǵarıwshı identifikaciya kodı (WMI kodı) — World Manufacturer Identifier kodı, bul VIN kodınıń birinshi bólimi bolıp, transport quralların islep shıǵarıwshısın bildiredi. WMI kodı transport quralların islep shıǵarıwshısına usı islep shıǵarıwshını anıqlaw yaǵnıy identifikaciyalaw maqsetinde beriledi. WMI kodı VIN kodınıń qalǵan bólimleri menen birgelikte 30 jıl dawamında bárshe mámleketlerde islep shıǵarılǵan transport quralları ushın usı kodtıń tákirarlanbawın támiyinleydi.
VIN kodınıń súwretlewshi bólimi — Vehicle Descriptor Section (VDS) transport quralların táreplewshi bólimi VIN kodınıń ekinshi bólimi bolıp, transport qurallarınıń tiykarǵı qásiyetlerin bildiriwshi maǵlıwmatlardı óz ishine aladı. Usı VIN kodınıń táreplewshi bóliminde transport quralı túri, variantları hám versiyaları kórsetiliwi múmkin.
VIN kodınıń kórsetiwshi bólimi — Vehicle Indicator Section (VIS) VIN kodınıń úshinshi bólimi bolıp, bir transport quralın basqasınan ajıratıw ushın islep shıǵarıwshı tárepinen belgilengen belgiler kombinaciyasınan ibárat. Usı VIN kodınıń bólimi VDS penen birgelikte hár bir islep shıǵarıwshı tárepinen 30 jıl dawamında islep shıǵarılǵan bárshe transport quralların anıq identifikaciyalawın támiyinleydi.
Mámleketlik xızmetten paydalanıwshı (yuridikalıq shaxs) Mámleketlik xızmetleri oraylarına ózi kelip múrájat etedi yaki mámleketlik xızmetten elektron formada paydalanıw ushın Birden-bir interaktiv mámleketlik xızmetler portalınan dizimnen ótedi.
Xızmetten paydalanıwshı Mámleketlik xızmetleri orayları arqalı múrájat etkende oraydıń xızmetkeri onıń atınan tiyisli sorawnamanı elektron formada toltıradı. Bunnan soń xızmetten paydalanıwshı toltırılǵan sorawnamadaǵı maǵlıwmatlardıń durıslıǵın tekserip shıǵadı hám imzalardı identifikaciya qılıwdıń tiyisli quralları arqalı (elektron imza menen) tastıyıqlaydı. Egerde xızmetten paydalanıwshı Birden-bir interaktiv mámleketlik xızmetler portalı arqalı múrájat etkende, sorawnamanı elektron sanlı imza menen tastıyıqlaw talap etilmeydi.
VIN kodın qáliplestiriwde WMI kodın tayarlaw hám usınıw ushın mámleketlik xızmetten paydalanıwshıdan bazalıq esaplaw muǵdarınıń 30 (otız) esesi muǵdarında jıyım óndiriledi.
Institutqa (wákillikli organ) sorawnama kelip túskennen soń bes jumıs kúni ishinde Institut transport qurallarınıń identifikaciya nomerin qáliplestiredi.
Transport qurallarınıń qáliplestirilgen identifikaciya nomeri ushın bir jumıs kúni ishinde transport quralların islep shıǵarıwshı yuridikalıq shaxslarǵa transport quralınıń identifikaciya nomerin qáliplestiriw boyınsha mámleketlik xızmetin kórsetiw dalalatnama (akt) rásmiylestiriledi.
Dalalatnama rásmiylestirilgen kúnniń ózinde transport quralınıń identifikaciya nomerin qáliplestriw blankası toltırılıp, Mámleketlik xızmetleri orayları yaki Birden-bir interaktiv mámleketlik xızmetler portalı arqalı jiberiledi.
Mámleketlik xızmetleri orayları yaki Birden-bir interaktiv mámleketlik xızmetler portalı real waqıt rejiminde xızmetten paydalanıwshıǵa transport quralın identifikaciya nomerin qáliplestiriw blankasınıń jiberiliwin támiyinleydi.
Shımbay rayonı ádillik bólimi
Mámleketlik xızmetler orayı
bólim baslıǵı B.Tokumbetov