Янгиликлар
25
Nızamshılıqtaǵı jańalıqlar
Termit hám basqa da jánliklerden zıyanlanǵan turaq jaylardı anıqlaw hám jasaw ushın jaramsız dep tabıw tártiplerin ápiwayılastırıw jáne usı jaǵdaylarda xalıqtı turaq jay menen támiyinlewdiń huqıqıy tiykarların jaratıw maqsetinde Ministrler Kabineti qararı qabıl etildi
Termit hám basqa da shıbın-shirkeylerden zıyanlanǵan turaq jaylardı anıqlaw hám jasaw ushın jaramsız dep tabıw boyınsha mámleketlik xızmet kórsetiwdiń hákimshilik reglamenti Qararǵa qosımshaǵa muwapıq tastıyıqlanıp, onda tómendegiler názerde tutılǵan:
termit hám basqa jánliklerden zıyanlanǵan turaq jaylardı anıqlaw hám jasaw ushın jaramsız dep tabıw boyınsha múrájat etiw;
termit hám basqa da jánliklerden zıyanlanǵan turaq jaylardı anıqlaw hám jasaw ushın jaramsız dep tabıw tártibi;
termit hám basqa jánliklerden zıyanlanǵan turaq jaylardı jasaw ushın jaramsız dep tabıw haqqındaǵı juwmaqlardı rásmiylestiriw.
Usı qarar menen tastıyıqlanǵan hákimshilik reglamentke muwapıq mámleketlik xızmet 2025-jıl 1-yanvardan baslap rayonlar (qalalar) hákimlikleri tárepinen dúziletuǵın Termit hám basqa da nasekomalardan zıyanlanǵan turaq jaylardı anıqlaw komissiyası tárepinen Mámleketlik xızmetler orayları hám Ózbekstan Respublikası Birden-bir interaktiv mámleketlik xızmetler portalı (keyingi orınlarda - BIMXP) arqalı kórsetiletuǵını belgilendi.
Shımbay rayonı ádillik bόlimi
Mámleketlik xızmetler orayı
aǵa qánigesi A.Saparov