Янгиликлар
25
Miynet shártnamasın biykar qılıw waqtında hámiledar hayallar ushın kepillikler
Hámiledar hayallar menen dúzilgen miynet shártnaması jumıs beriwshiniń baslaması menen biyjar qılıwǵa jol qoyılmaydı, bunda shólkem (onıń óz aldına bólimi) saplastırılǵan yáki jeke tártiptegi isbilermenniń iskerligi saplastırılǵan halatlarınan tısqarı.
Hayaldıń hámiledarlıǵı dáwirinde múddetli miynet shártnamasınıń múddeti tamam bolǵan táǵdirde, jumıs beriwshi hayaldıń jazba arzasın muwapıq hám hámiledarlıq halatın tastıyıqlawshı medicinalıq maǵlıwmatnama usınılǵan táǵdirde, miynet shártnamasınıń ámel etiw múddetin hámiledarlıq tamam bolǵanǵa shekem, oǵan hámiledarlıq hám tuwıw demalısı berilgen táǵdirde bolsa bunday demalıstıń aqırına shekem uzaytırıwı shárt. Miynet shártnaması hámiledarlıqtıń aqırına shekem uzaytırılǵan hayal, jumıs beriwshiniń sorawına muwapıq, biraq 3 ayda kóbi menen bir márte hámiledarlıq halatın tastıyıqlawshı medicinalıq maǵlıwmatnama usınıwı shárt.
Eger bunda hayal hámiledarlıq tamam bolǵannan keyin haqıyqatında islewdi dawam ettirse, jumıs beriwshi hámiledarlıqtıń tamam bolǵanlıǵı faktın bilgen yáki biliwi kerek bolǵan kúnnen baslap bir hápte ishinde miynet shártnamasın onıń múddeti tamam bolǵanlıǵı sebepli biykar qılıwǵa haqılı.
Hayal menen dúzilgen miynet shártnamasınıń múddeti tamam bolǵanlıǵı múnásibeti menen usı shártnamanı onıń hámiledarlıǵı dáwirinde biykar qılıwǵa, eger miynet shártnaması joq bolǵan xızmetkerdiń májbúriyatların orınlaw waqtına dúzilgen bolsa hám hámiledarlıq tamam bolǵanǵa shekem hayaldı jumıs beriwshide onıń densawlıǵı halatı inabatqa alınǵan halda orınlay alatuǵın basqa jumısqa hayaldıń jazba razılıǵı menen ótkeriw múmkin bolmasa, jol qoyıladı.
Hámiledar hayal menen dúzilgen miynet shártnaması biykar qılınǵanda hayaldıń Miynet kodeksiniń 404-statyası birinshi bóliminde kórsetilgen dáwir ushın hámiledarlıq hám tuwıw napaqasın alıw huqıqı saqlanıp qaladı.
Qanlıkól rayonı ádillik bólimi
Yuridikalıq xımet kórsetiw
orayı baslıǵı A.Seydabullaev