Янгиликлар
18
Huquqbuzarlıqlar profilaktikası
Mámleketimizde huquqbuzarlıqlardıń aldın alıw, ásirese erjetpegenler arasında huquqıy mádeniyattı joqarılatıw barısında tiykarǵı reformalar ámelge asırılmaqta.Atap aytqanda huquqbuzarlıqlar profilaktikası sistemasın jánede jetilistiriw maqsetinde 2025-jıl 7-fevral kúni Ózbekstan Respublikasınıń “Erjetpegenler ortasında huquqbuzarlıqlar profilaktikası sistemasın jetilistiriw múnasebeti menen Ózbekstan Respublikasınıń hákimshilik juwapkershilik haqqındaǵı kodeksine ózgerisler kirgiziw haqqında”ǵı Nızamı qabıl etildi.
Bul nızamnıń orınlanıwın támiyinlew hámde erjetpegenler ortasında huquqbuzarlıqlardıń aldın alıw sistemasın bekkemlew maqsetinde Ózbekstan Respublikasınıń Hákimshilik juwapkershilik haqqındaǵı kodeksine ózgerisler kirgizildi.Bul nızam tıykarında Ózbekstan Respublikası Milliy gvardiyası quramında Balalar menen islew basqarması hámde onıń aymaqlıq bólimleri shólkemlestirildi.Sonday-aq erjetpegenler menen islesiwde ónimli psixologiyalıq jandasıwdı támiyinlew maqsetinde aǵa inspector-psixologlar ham inspector-psixologlar lawazımları engizildi.
Bul ózgerisler huquqbuzarlıqlardıń aldın alıw sistemasın jánede sapalı qılıwǵa xızmet etedi.Bunnan bılay Milliy gvardiyanıń Balalar menen islew basqarması hám onıń bólimleri áskeriy xızmetshileri hámde xızmetkerleri hákimshilik huquqbuzarlıqlar boyınsha islerdi kórip shıǵıw hám tiyisli is-ilajlardı ámelge asırıw wákilligine iye boladı.Bul bolsa erjetpegenlerdiń huquqıy qorǵanıwın bekkemlew hám profilaktika islerin natiyjeliligin asırıwǵa xızmet qıladı.
Profilaktika ilajlarınıń tiykarǵı táreplerinen biri erjetpenlerdi erte basqıshta huquqbuzarlıqlardan eskertiw, olardıń sociallıq ortalıǵın jaqsılaw, bilim hám tárbiya procesin jánede sapalı shólkemlestiriwde ibarat.Usı maqsette huquqtı qorǵawshı organlar, bilimlendiriw mákemeleri hám jámiyetiniń basqa wákilleri óz-ara birge-islesiwin kusheyttiriw zárúr.
Jańa reformalar hám profilaktika sistemasındaǵı ózgerisler keleshekte jaslar arasında huquqbuzarlıqlar sanın kemeyttiriwge olardıń huquqıy sanasın joqarılatıwǵa hám salamat jámiyetlik ortalıqtı payda etiwge xızmet etedi.
Qanlıkól rayonı ádillik bólimi
Yuridikalıq xızmet kórsetiw orayı
bas yuriskonsultı J.Otemisova