Янгиликлар
14
Familiya hám atın ózgertiw ushın PHAJda kórsetiletuǵın xızmetler
Familiya, atı hám ákesiniń atın ózgertiw haqqındaǵı arzalar arza beriwshi 16 jasqa tolǵannan keyin ol jasap turǵan orındaǵı PHAJ bólimi tárepinen kórip shıǵıladı.
Eger 16 jasqa tolǵan shaxs pasport yamasa pasport ornın basıwshı shaxstı tastıyıqlaytuǵın basqa hújjet alınıwına shekem familiya, atı, ákesiniń atın ózgertiw haqqında arza berse, onday jaǵdayda arzaǵa tuwılganlıq haqqında gúwalıq qosımsha etiledi.
Familiya, atı hám ákesiniń atın ózgertiw ishki isler bóliminiń juwmaǵı tiykarında ámelge asırıladı.
Familiya, atı hám ákesiniń atın ózgertiw tuwrısındaǵı arza arza berilgen kúnden baslap 2 ay dawamında kórip shıǵıladı. Ayrım sebepler (jumıstı rásmiylestiriw ushın zárúr bolǵan akt jazıwı nusqalarınıń basqa PHAJ bólimlerinen, ishki isler bólimi juwmaǵınıń keshigip alınıwı hám basqalar ) ámeldegi bolǵanda PHAJ organı basqarıwshısı bul múddetti 1 aydan kóp bolmaǵan múddetke uzaytırıwı múmkin.
Bul xızmetti Birden-bir interaktiv mámleket xızmetlerin portalı arqalı múrájáát qılıp alıw múmkin.
Kegeyli rayonı ádillik bólimi
Mámleketlik xızmetler orayı
bas qánigesi R.Nurullaeva