Янгиликлар
14
Termit hám basqa jánliklerden zıyanlanģan turaq-jaylardı anıqlaw hám jasaw ushın jaramsız dep tabıw boyınsha mámleketlik xızmetin kórsetiwdiń hákimshilik reglamenti tastıyıqlandı
Ózbekstan Respublikası Ministrler Kabinetiniń 2024-jıl 4-noyabr kúni “Termit hám basqa jánliklerden zıyanlanģan turaq-jaylardı anıqlaw hám jasaw ushın jaramsız dep tabıw boyınsha mámleketlik xızmetin kórsetiwdiń hákimshilik reglamenti tastıyıqlaw haqqında”ģı 734-sanlı qararı qabıl etildi.
Qarar menen Termit hám basqa jánliklerden zıyanlanģan turaq-jaylardı anıqlaw hám jasaw ushın jaramsız dep tabıw boyınsha mámleketlik xızmetin kórsetiwdiń hákimshilik reglamenti tastıyıqlandı. Reglamentke muwapıq fizikalıq hám yuridikalıq shaxslar (keyingi orınlarda - arza beretuģınlar) mámleketlik xızmetinen paydalanıw ushın Mámleketlik xızmetleri orayına shaxsan kelip múrájat etedi yamasa mámleketlik xızmetlerinen elektron formada paydalanıw ushın BBMXP (birden-bir interaktiv mámleketlik xızmetleri portalı)da dizimnen ótedi.
Fizikalıq shaxslar ózleri jasap turģan turaq-jaylarģa bolģan múlk huqıqı bar yamasa joqlıģına qaramastan, mámleketlik xızmetinen paydalanıwı múmkin.
Arzalar BBMXP (birden-bir interaktiv mámleketlik xızmetleri portalı) arqalı dem alıw hám bayram kúnlerine qaramastan, hár kúni 24 saat dawamında jiberiliwi múmkin.
Bunda arzalar jumıs waqtınan keyin yamasa dem alıs hám bayram kúnlerinde túskende, kalendar boyınsha náwbettegi jumıs kúni arzalardıń Komissiyaģa túsken hám Komissiya tárepinen qabıl etilgen kún dep esaplanadı.
Tiyisli turaq-jaylardı termit hám basqa jánliklerden zıyanlanģanlıģın anıqlaw hám jasaw ushın jaramsız dep tabıw boyınsha usı turaq-jayda jasawshı hár qanday shaxs isenim xatısız mámleketlik xızmetinen paydalanıwı múmkin.
Arza beriwshiden sorawnamadan tısqarı basqa maģlıwmatlar hám hújjetlerdi talap etiw qadaģan etiledi.
Mámleketlik xızmetin kórsetkenlik ushın tólem óndirilmeydi.
Arza beriwshiler mámleketlik xızmetlerinen paydalanıwdan xizmet kórsetiwdiń hár qanday basqıshında bas tartıw huqıqına iye. Arza beriwshi mámleketlik xızmetlerinen paydalanıwdan bas tartqanda, onıń sorawnaması ko'rilmesten qaldıriladi.
Komissiya jeti jumıs kúni dawamında sorawnamanı kórip shıģıp, turaq-jay jaylasqan aymaqqa shıqqan halda tómendegilerdi anıqlaydı:
turaq-jaydıń termitler hám basqa jánliklerden zıyanlanģanlıq dárejesin;
turaq-jaydıń termitler hám basqa jánliklerden zıyanlanıwı nátiyjesinde turaq-jaydıń texnikalıq jaģdayın;
turaq-jaydıń termitler hám basqa jánliklerden zıyanlanıwı nátiyjesinde turaq-jayda jasaw múmkinshiligi bar ekenligin;
turaq-jaydıń termitler hám basqa jánliklerden zıyanlanģanlıģı nátiyjesinde turaq-jaydı jaramsız jaģdayģa kelgenligin.
Úyreniw nátiyjesinde Komissiya tárepinen turaq-jaydıń termitler hám basqa jánliklerden zıyanlanıwı nátiyjesinde jaramsız jaģdayģa kelgenligin tastıyıqlaw yamasa biykar etiw bul Reglamentke 4-qosımshaģa muwapıq formadaģı QR-kod (matrik shtrixlı kod) qoyılģan halda rásmiylestirilgen juwmaq Mámleketlik xızmetleri orayına (shaxsan kelip múrájat etkende) yamasa BBMXP (birden-bir interaktiv mámleketlik xızmetleri portalı) arqalı arza beriwshige (elektron tárizde múrájat etkende) jiberiledi.
Bunda úyreniw nátiyjesinde turaq-jaydıń jaramsız jaģdayģa kelgenligi tastıyıqlansa, xabarnama qosımsha túrde tiyisliliginshe Qaraqalpaqstan Respublikası Ministrler Keńesi, wálayatlar hám Tashkent qalası hákimliklerine turaq-jaydı jasawģa belgilenbegen jaylar qatarına ótkeriw hám de turaq-jay fondınan shıģarıw máselesin kórip shıģıw ushın jiberiledi.
Mámleketlik xızmetin kórsetiwden bas tartıw ushın tómendegiler tiykar boladı:
sorawnamada durıs emes yamasa qáte maģlıwmatlar kórsetilgende;
arza beriwshi tárepinen Komissiyaģa turaq-jaydı kórip shıģıw ushın múmkinshilik berilmegende yamasa kórip shıģıwģa tosqınlıq etilgende;
turaq-jaydıń termitler hám basqa jánliklerden zıyanlanģan bolıwına qaramay, onıń texnikalıq jaģdayı jasaw imkaniyatın bergende;
turaq-jayda termitler hám basqa jánliklerden zıyanlanıw jaģdayları anıqlanbaģanda.
Mámleketlik xızmetin kórsetiwden basqa tiykarlarģa kóre bas tartıw qadaģan etiledi.
Mámleketlik xızmetleri orayı juwmaq kelip túskennen keyin 10 minut dawamında onı arza beriwshinıń elektron adresine jiberedi hám arza beriwshini bul haqqında informacion-kommunikaciya sisteması arqalı xabar etedi. Mámleketlik xızmetleri orayı arza beriwshi shaxsan kelip múrájat etkende, oģan juwmaqtı arza beriwshinıń sorawına bola elektron formasında yamasa qaģaz formasında beriwi belgulengen.
Arza beriwshige berilgen juwmaq aldaģı waqıtlarda oģan belgilengen tártipte mámleket tárepinen turaq-jay menen támiyinlew ushın tiykar bolıp esaplanadı.
Kegeyli rayonı ádillik bólimi
Mámleketlik xızmetler orayı
bólim baslıǵı S.Otegenov