Янгиликлар
14
Turaq emes bolǵan kóshpes múlkti basqa shaxsqa ótkeriw boyınsha kompozit mámleketlik xızmeti engizildi
Ózbekstan Respublikası Ministrler Kabinetiniń 2024-jıl 29-noyabrdegi “Turaq emes bolǵan kóshpes múlkti basqa shaxsqa ótkeriw menen baylanıslı shártnamalardı rásmiylestiriw hám oǵan bolǵan huqıqlardı mámleketlik dizimnen ótkeriw boyınsha kompozit mámleketlik xızmetin kórsetiwdiń hákimshilik reglamentin tastıyıqlaw haqqında”ǵı qararı tastıyıqlandı.
Qarar menen yuridikalıq shaxslar arasında turaq emes bolǵan kóshpes múlkti basqa shaxsqa ótkeriw, bul boyınsha dúzilgen shártnamalardı rásmiylestiriw hám huqıqlardı mámleketlik diziminen ótkeriw boyınsha xızmetler Mámleketlik xızmetler orayları arqalı kompozit tárizde kórsetiledi.
Yuridikalıq shaxslardıń basshıları yamasa olardıń wákilleri mámleketlik xizmetten paydalanıw ushın orayǵa ózleri kelgen halda múrájat etedi.
Arza beriwshiler orayǵa tómendegi maǵlıwmatlar hám hujjetlerdi usınadı:
turaq emes bolǵan kóshpes múlk obyektiniń kadastr nomeri, mánzili, atı;
yuridikalıq shaxstıń tolıq ataması, INN, pochta mánzili, telefon nomeri, esap beti, bank atamasi, bank kodı MFO;
yuridikalıq shaxstıń baslıǵı (wákili) F.A.ÁA, PINFL;
yuridikalıq shaxs wákillikli basqarıw organınıń turaq emes bolǵan kóshpes múlkti satıw haqqındaǵı qararı (bayanlaması);
yuridikalıq shaxs wákiline berilgen isenim xat - yuridikalıq shaxs wákili múrájat etken bolsa.
Bunda yuridikalıq shaxslardıń wákilleri usı shólkemde tiykarǵı jumıs ornında islep atırǵan bolıwı kerek.
Mámleketlik xızmetten paydalanıw ushın shártnamada qatnasıwshı tárepler bir waqıttıń ózinde orayda bolıwı talap etiledi.
Arza beriwshilerdiń shaxsın tastıyıqlawshı hújjetleri talap qılınbaǵan halda olar Face-ID sistemasi arqalı identifikaciya qılınadı.
Oray tárepinen yuridikalıq shaxslardıń wákilleri jumıs ornı boyınsha usı shólkemde jumıs islewi haqqındaǵı maǵlıwmatlar “Birden-bir milliy miynet sisteması”nan hámde turaq emes bolǵan kóshpes múlkti basqa shaxsqa ótkeriwge sheklew yáki xatlaw joq ekenligi haqqında maǵlıwmatlardı “Notarius” avtomatlastırılǵan sistemasınan tekserip alınadı.
Shártnama rásmiylestirilgenligi ushın bazalıq esaplaw muǵdarınıń 2 esesi muǵdarında jıyım pul óndiriledi.
Shártnama rásmiylestirilgennen soń kóshpes múlkke bolǵan huqıqların mámleketlik dizimnen ótkeriw ushın shártnama menen birgelikte QR-kod qoyılǵan turaq emes bolǵan kóshpes múlkti tapsırıw hám qabıl etiw dalalatnamasın avtomatik tárizde qáliplestirip dizimnen ótkeriwshi organǵa jiberiledi.
Kóshpes múlkke bolǵan huqıqlar Ózbekstan Respublikasınıń “Kóshpes múlkke bolǵan huqıqlardı mámleketlik dizimnen ótkeriw haqqında”ǵı Nızamı hám de Ministrler Ministrler Kabinetiniń 2020-jıl 2-sentyabrdegi “Kadastr tarawında ayrım mámleketlik xızmetlerdi kórsetiwdiń hákimshilik reglamentlerin tastıyıqlaw haqqında”ǵı Qararında belgilengen tártipte mámleketlik dizimnen ótkeriledi.
Nókis qalası ádillik bólimi
Mámleketlik xızmetler orayí
bólim baslıǵı B.Nurlíbekov