Янгиликлар
06
Nızamshılıqtaǵı jańalıqlar
Ózbekstan Respublikası Ministrler Kabinetiniń 2025-jıl 28-fevral kúni «Ózbekstan Respublikası Húkimetiniń ayırım qararlarına pedagoglardı attestaciyadan ótkeriw, kásiplik sertifikatlaw hám xoshametlew sistemasın jetilistiriwge qaratılǵan ózgeris hám qosımshalar kiritiw haqqında»ǵı 130-sanlı qararı qabıl etildi.
Qararǵa kóre 2025-jıl 1-sentyabrge shekem;
a) Gezektegi májbúriy attestaciyaǵa tartılmaǵan, sonday-aq, attestaciyadan ótiw múddeti tamamlanǵan hám ámeldegi mamanlıq kategoriyası saqlanıp qalǵan tómendegi pedagoglar májbúriy attestaciyaǵa tartılmaydı hám olarǵa ámeldegi mamanlıq kategoriyası (lawazımı) boyınsha haqı tólenedi:
- joqarı mamanlıq kategoriyasına (bas oqıtıwshı lawazımına) iye bolǵanınan soń usı kategoriyanı (lawazımdı) 15 jıl dawamında saqlap qalǵan hám úziliksiz jumıs stajına iye bolǵan;
- pedagogikalıq jumıs boyınsha 25 jıl hám onnan kóp jumıs stajına iye bolǵan;
-jasqa baylanıslı pensiyaǵa shıǵıwı ushın 5 jıldan kóp bolmaǵan waqıt qalǵan;
- pedagogikalıq jumıs penen shuǵıllanıp atırǵan pensiya jasına tolǵan pedagoglarǵa.
b) Tómendegi talaplardan birine juwap beretuǵın pedagoglarǵa tikkeley mamanlıq kategoriyası (lawazımı) beriledi:
- pedagogikalıq jumıs boyınsha 25 jıl hám onnan kóp jumıs stajına iye bolǵan pedagoglarǵa – olardıń ámeldegi mamanlıq kategoriyası (lawazımı);
- jasqa baylanıslı pensiyaǵa shıǵıwı ushın 5 jıldan kóp bolmaǵan waqıt qalǵan pedagoglarǵa – olardıń ámeldegi mamanlıq kategoriyası (lawazımı);
- joqarı mamanlıq kategoriyasına (bas oqıtıwshı lawazımına) iye bolǵanınan soń usı kategoriyanı (lawazımdı) 15 jıl dawamında saqlap qalǵan hám úziliksiz jumıs stajına iye bolǵan pedagoglarǵa – joqarı mamanlıq kategotiyası (bas oqıtıwshı lawazımı).
Bunda pedagoglar óz ıxtıyarına kóre náwbetten tısqarı attestaciyadan ótip, mamanlıq kategoriyası (lawazımı) asırılǵan taqdirde, olarǵa jańa tastıyqlanǵan mamanlıq kategoriyası (lawazımı) boyınsha sertifikattıń ámel qılıw múddeti dawamında haq tólenedi.
Sonday-aq qarar menen tómendegiler belgilengen:
- bilimlendiriw shólkemlerinde jumıs islep atırǵan muzika mádeniyatı hám dene tárbiyası páni pedagogları, pensiya jasındaǵı pedagoglar hám joqarı maǵlıwmatqa iye bolmaǵan pedagoglardı attestaciyadan ótkeriw;
-Mektepke shekemgi hám mektep bilimlendiriw ministrligi sistemasında jumıs islep atırǵan maman pedagog kadrlar hám aldınǵı xızmetkerlerdi xoshametlew;
- Mektepke shekemgi hám mektep bilimlendiriw ministri qorınıń jumısın jetilistiriw.
Shımbay rayonı ádillik bólimi
Yuridikalıq xızmet kórsetiw
orayı bas yuriskonsultı D.Yerjanov