Янгиликлар
18
NEKEDEN AJÍRASÍW TÁRTIBI
Ayırım nekelerde shańaraq baxıtlı, ayırımlarında bolsa bunday emes. Kimdúr bul jaǵdayǵa kónip jasaydı, bazıbirleri kónbeydi. Ómirde hámme nárse boladı, eki insan ortasındaǵı múnásibetler júdá názik hám quramalı. Ajırasıw tiykarınan jaqsı shara emes, bul eń aqırǵı sharadanda da keyingi shara bolıwı kerek. Nekeni, shańaraqtı, múnásibetlerdi saqlap qalıwǵa urınıw kerek. Lekin, múnásibetler, óz atı menen múnásibet, yaǵnıy eki insanǵada baylanıslı boladı. Kún kelip shańaraqtı saqlap qalıwdıń imkanı qalmasa hám ajırasıwǵa qarar qılsa, bunıń tártip-qagıydasın biliw zárúr.
Ózbekstan Respublikası Shańaraq kodeksiniń 42 hám 218 ctatyalarına muwapıq PHAJ uyımı múlkiy qarama-qarsılıqları hámde er jetpegen perzentleri bolmaǵan erli-zayıplılardıń óz-ara kelisimi menen nekeden ajırasıw haqqındaǵı arzasın qabıl etedi. Eger hayalı hámledar bolsa nekeden ajırasıw haqqındaǵı arzanı qabıl etiwden bas tartadı. Erli-zayıplınıń biri sud tárepinen biydárek joǵalǵan dep tabılǵan bolsa, ruwxıy keselligi yaki aqıl zayıplılıǵı sebepli háreket uqıplılıǵına iye emes dep tabılǵan bolsa, islegen jınayatı ushın 3 jıldan kem bolmaǵan múddetke azatlıqtan ayrılǵan bolsa, erli-zayıplınıń biriniń arzası boyınsha, olar ortasında er jetpegen perzentleri bar bolıwına qaramastan PHAJ uyımlarında ámelge asırıladı. Eger erli-zayıplınıń biri nekeden ajırasıw haqqındaǵı arzanı beriw ushın PHAJ uyımına kele almaǵan jaǵdayda, birgelikte jazılǵan arzadaǵı qol tańbası notarial tártipte yaki er yamasa hayaldıń jasap turǵan jaydaǵı PHAJ uyımı baslıǵı tárepinen tastıyıqlanǵan bolıw kerek. Nekeden ajıratıwdı dizimge alıw erli-zayıplınıń yaki olardıń biriniń qatnasıwında PHAJ uyımına arza bergen kúnnen keyin 3 ay ótkennen soń ámelge asırıladı hám hár birine nekeden ajırasqanlıq haqqında gúwalıq beriledi.
Kegeyli rayonı ádillik bólimi
PHAJ bólimi baslıǵı I.Erjanova