Янгиликлар
17
Ekstremizmge qarsı gúresiw haqqında"ǵı Nızamnıń mazmun-mánisi
Bizge belgili, ekstremizm hám terrorizm eń qáwipli hám aqıbeti eń jaman jınayat esaplanıp, pútkil dúnyada tınıshlıq, qáwipsizlik hám turaqlılıqqa qáwip tuwdıratuǵın qáwip bolıp esaplanadı.
Házirgi waqıtta dúnyanıń túrli regionlarında xalıqaralıq terrorizm hám ekstremizmniń jańa qáwip-qáterlerine qarsı gúresiw baǵdarında úgit-násiyatlaw hám ámeliy jumıslardıń kúsheytirilip atırǵanlıǵı hám oǵan qarsı gúresiw tek ǵana huqıq qorǵaw uyımlarınıń emes, al keń jámiyetshiliktiń birinshi dárejeli wazıypası sıpatında tán alınǵan.
Bul baǵdarda "Ózbekstan terrorizm, ekstremizm hám radikalizm ideologiyasına qarsı gúresiw baǵdarında bárqulla principial poziciyaǵa iye bolıp kelgen. Bunday qáwip-qáterlerge qarsı tek ǵana kúsh qollanıw usılları menen emes, al birinshi gezekte, ásirese, jaslar arasında zorlıqtı keltirip shıǵaratuǵın jawızlıqqa qarsı aǵartıwshılıq penen gúresiw kerek."
Bul tarawdaǵı ámeliy háreketlerdiń nátiyjeliligin arttırıw maqsetinde, aldınǵı sırt el tájiriybesi tiykarında 2018-jıl 30-iyulde Ózbekstan Respublikasınıń "Ekstremizmge qarsı gúresiw haqqında"ǵı Nızamı qabıl etildi. Nızamda ekstremizm túsiniginiń mazmun-mánisi, oǵan qarsı gúresiw ilajları hám principleri, sonday-aq, bul tarawdaǵı mámleketlik siyasattıń tiykarǵı baǵdarları tereń tallaw tiykarında bekkemlengen.
Usı Nızamnıń maqseti ekstremizmge qarsı gúresiw tarawındaǵı qatnasıqlardı tártipke salıwdan ibarat.
Nızamda ekstremizmniń aldın alıw ilajları sıpatında tómendegiler belgilendi:
- ekstremistlik xızmetti ámelge asırıwģa jol qoymaw haqqında rásmiy eskertiw shıǵarıw;
- yuridikalıq shaxs tárepinen ekstremistlik jumıs ámelge asırılıwına jol qoymaw haqqında usınıs kirgiziw;
Ekstremistlik materiallardı alıp kiriw, tayarlaw, saqlaw, tarqatıw hám kórsetiwdi qadaǵan etiw;
- ekstremizmdi qarjılandırıwdı qadaǵan etiw;
- yuridikalıq shaxstıń jumısın toqtatıp turıw;
Shólkemdi ekstremistlik shólkem dep tabıw.
Ekstremistlik jumıstıń belgileri bar, tayarlanıp atırǵan nızamsız háreketler haqqında jeterli hám aldınnan tastıyıqlanǵan maǵlıwmatlar bar bolǵan hám juwapkershilikke tartıw ushın tiykarlar joq bolǵan jaǵdayda, ekstremizmge qarsı gúresiw boyınsha jumıstı ámelge asırıwshı mámleketlik uyımnıń lawazımlı shaxsı ekstremizmniń júzege keliwine jol qoyıp atırǵan lawazımlı shaxslarǵa hám fizikalıq shaxslarǵa bunday jumısqa jol qoymaw haqqında jazba túrde rásmiy eskertiw shıǵaradı, eskertiwde onı shıǵarıwdıń anıq tiykarları kórsetiliwi kerek.
Sonday-aq, yuridikalıq shaxslardıń jumısında ekstremizm belgileri anıqlansa prokuror yamasa wákillikli lawazımlı shaxs nızambuzıwshılıqqa jol qoymaw haqqında usınıs kirgizedi. Belgilengen múddette nızambuzıwshılıqlar saplastırılmasa yuridikalıq shaxstıń jumısı sudtıń qararı menen altı ayǵa shekemgi múddetke toqtatıp turıladı yamasa Ózbekstan Respublikası Joqarǵı sudınıń qararı menen qadaǵan etiledi.
Ekstremizmdi finanslastırıw qadaǵan etiledi!!!
Belgili bir shólkemdi ekstremistlik shólkem dep tabıw sud tártibinde ámelge asırıladı.
Shımbay rayonı ádillik bólimi
Mámleketlik xızmetler orayı bólim baslıģı B.Bekniyazov