Янгиликлар
11
Adam sawdası-dáwir mashqalası
Hámmemizge málim adam sawdası dáwir mashqalasına aylanıp, jámiyette unamsız aqıbetlerdi keltirip shıǵarıp atır.
Mámleketimizde adam sawdasına qarsı gúresiw tarawında bir qatar nızamshılıq hújjetleri qabıl etilgen.
Atap aytqanda, 2020 -jıl 20 -avgustdaǵı “Adam sawdasına qarsı gúresiw haqqında”ǵı (jańa redakciyası ) ÓRN-633-sanlı Nızamı qabıl etilgen.
Nızamnıń 4-statyasında Adam sawdasına qarsı gúresiwdiń tiykarǵı principleri belgilengen. Oǵan kóre Adam sawdasına qarsı gúresiwdiń tiykarǵı principleri tómendegilerden ibarat :
nızamlılıq ;
adam sawdası menen shuǵıllanatuǵın shaxslar juwapkershiliginiń anıqlıǵı ;
adam sawdasınan jábirlengenlerdiń kemsitiliwine jol qoymaw ;
social sheriklik.
Nızamnıń 5-statyasında Adam sawdasına qarsı gúresiw tarawındaǵı mámleket siyasatınıń tiykarǵı baǵdarları
Adam sawdasına qarsı gúresiw tarawındaǵı mámleket siyasatınıń tiykarǵı baǵdarları tómendegilerden ibarat :
adam sawdasına qarsı gúresiwge, sonday-aq adam sawdasına múmkinshilik jaratıwshı sebepler hám shárt-shárayatlardı saplastırıwǵa qaratılǵan ilajlardı ámelge asırıw ;
adam sawdasınıń aldın alıwǵa qaratılǵan huqıqıy, siyasiy, sociallıq-ekonomikalıq, medicinalıq, profilaktika ilajların, informaciyaǵa tiyisli ilajlardı ámelge asırıw, sonday-aq xalıqtıń huqıqıy sana-sezimine jáne huqıqıy mádeniyatın kóteriw;
adam sawdasın waqıtında anıqlaw hám oǵan shek qoyıw, onıń aqıbetlerin saplastırıw, sonıń menen birge adam sawdası menen shuǵıllanatuǵın shaxslar juwapkershiliginiń anıqlıǵı principin támiyinlew;
adam sawdasınan jábirlengenlerdi, adam sawdasınan jábirlengen dep gúman qılınıp atırǵanlardı mámleket tárepinen qollap-quwatlaw, sonday-aq social qorǵaw ;
adam sawdasına qarsı gúresiw tarawında ilimiy-izertlew jumısları, konferenciyalar, seminar -treningler hám sáwbetlerdi ótkeriwge tiyisli iskerlikti, sonıń menen birge bul tarawdaǵı iskerlikti ámelge asırıwshı mámleket shólkemleri xızmetkerlerin kásiplik tayarlawǵa, qayta tayarlawǵa hám olardıń mamanlıǵın asırıwǵa tiyisli iskerlikti rawajlandırıw hám de xoshametlew;
adam sawdasına qarsı gúresiw tarawındaǵı xalıq aralıq sheriklik.
Nızamnıń 2-babında adam sawdasına qarsı gúresiwdi ámelge asırıwshı hám qatnasıwshı organlar hám shólkemler belgilengen.
Juwmaq etip aytatuǵın bolsaq, adam sawdasına qarsı gúresiw bársheniń wazıypasına aylanıwı hám oǵan qarsı gúresiw búgingi kúnniń áhmiyetli wazıypası bolıp qalaberedi.
Bozataw rayonı ádillik bólimi
Yuridikalıq xızmet kórsetiw
orayı baslıǵı T.Tańatarov