Янгиликлар
20
Isbilermen huqıqları tikleniwde!
Qaraqalpaqstan Respublikası Ádillik ministrligi tárepinen “Nukus eko Teks” JShJ direktorı A.Zarımbetovtıń Jınayat isleri boyınsha Nókis qalalıq sudınıń qararı menen biykarlanǵan hákimshilik járiymanıń salıq bazasınan óshpegenliginen narazı bolıp jollaǵan múrájatı úyrenilip shıǵıldı.
Anıqlanıwınsha, Nókis qalalıq mámleketlik salıq inspekciyası tárepinen 28.01.2023-jılda Ózbekstan Respublikası HJhKniń 175-statyası 2-bólimi menen “Nukus eko Teks” JShJ direktorı A.Zarımbetovqa 3 400 000 swm hákimshilik járiyma qollanılǵan qararına tiykar Májbúriy orınlaw byurosınıń Nókis qalalıq bólimi tárepinen orınlaw isi qozǵatılǵan.
Jınayat isleri boyınsha Nókis qalalıq sudınıń qararına kóre Nókis qalası mámleketlik salıq inspekciyasınıń hákimshilik járiyma qollaw haqqındaǵı qararı biykar etilip, qarardı salıq inspekciyası tárepinen qosımsha tekseriw ótkeriliwi belgilengen.
Lekin, “Nukus eko Teks” JShJ direktorı A.Zarımbetovqa qarata qollanılǵan hákimshilik járiyma salıq bazasınan biykarlanbastan kelingen.
Sonlıqtan, múrájattı keltirilgen halatlarǵa anıqlıq kiritiw maqsetinde, ministrlik tárepinen Májbúriy orınlaw byurosı Qaraqalpaqstan Respublikası basqarmasına soraw xatı jollandı.
Ministrlik tárepinen jollanǵan soraw xatı menen Ózbekstan Respublikasınıń "Sud hújjetleri hám basqa uyımlar hújjetlerin orınlaw haqqında"ǵı nızamınıń 37-statyası 2-bólimi 4-bántine tiykar usı jıldıń 11-fevral kúni Májbúriy orınlaw byurosınıń Nókis qalalıq bólimi tárepinen orınlaw isi is júritiwinen tamamlanıp hákimshilik járiyma sud qararına tiykar biykarlandı.
Nátiyjede, orınlaw hújjeti boyınsha isbilermenge qarata qollanılǵan 3 400 000 swm hákimshilik járiyması tamamlanıp barlıq sheklewler biykar qılındı.
Ministrliktiń sektor aǵa másláhátshısı T.Maxamatdinov