Янгиликлар
20
Nekeni dizimge alıw tártibi
Ózbekstan Respublikası Shańaraq kodeksiniń 14 hám 15-statyalarına muwapıq, nekeleniwshilerdiń óz ara razılıǵı hám olardıń neke jasına jetkenligi neke dúziwdiń tiykarǵı shártleri esaplanadı.
Úzirli sebepler bar bolǵanda, ayrıqsha jaǵdaylarda (hámiledarlıq, bala tuwılıwı, erjetpegenniń tolıq háreketge uqıplılıǵı dep járiyalanıwı - emansipaciya), neke dúziwdi qálewshi shaxslardıń iltiması menen, neke dúzilgenligin dizimge alıw ornı boyınsha rayon, qala hákimi tárepinen nekege kiriw jası bir jıldan kóp bolmaǵan múddetke azaytılıwı múmkin.
Neke neke dúziwdi qálewshi shaxslar bul haqqında belgilengen úlgidegi jazba yamasa elektron arza menen múrájat etken kúnnen keyin bir ay ótkennen keyin PHAJ uyımı tárepinen dizimge alınadı.
PHAJ organları tárepinen nekeleniwshi shaxslardıń neke dúzilgenligin dizimge alıw haqqındaǵı arzasın qabıl etiwde belgilengen tártipte medicinalıq kórikten ótiw ushın jollama beriledi,Ózbekstan Respublikası Shańaraq kodeksiniń 17-statyası ekinshi bóliminde kórsetilgen jaǵdaylar bunnan tısqarı.
Bunda eliw jasqa shekem nekeden ótiwshi shaxslar AIV-infekciyası boyınsha medicinalıq kórikten májbúriy ótiwi kerek.
PHAJ organınıń baslıǵı úzirli sebepler bolǵanda hám de arza beriwshilerdiń ótinishlerine baylanıslı bir aylıq múddetti qısqartıwı múmkin.
Bunda úzirli sebeplerdi tastıyıqlawshı - balalarınıń tuwılǵanlıǵı haqqındaǵı gúwalıqları, medicina birlespesiniń kelinniń hámiledarlıǵı yamasa bir táreptiń keselligi haqqındaǵı maǵlıwmatnaması, xızmet saparı haqqındaǵı gúwalıq hám usı sıyaqlı hújjetler kórsetiledi.
Ministrliktiń sektor bas másláhátshisi E.Sabirova