Янгиликлар
20
Puqaralıq halatı aktlerin dizimge alıwda mámleketlik bajını tólewden azat etiw.
Puqaralıq halatı aktlerin dizimge alıwda mámleketlik bajı tólewden tómendegiler azat etiledi:
1) xalıq bilimlendiriw uyımları, balalar máseleleri boyınsha komissiyalar - jetim balalardı hám ata-analarınıń qaramaǵınan ayırılǵan balalardı balalar mákemelerine hám oqıw orınlarına jiberiw ushın tuwılǵanlıǵı haqqındaǵı qaytadan gúwalıqlar bergeni ushın;
2) fizikalıq shaxslar - tuwılıw, ólim dizimge alınǵanı ushın, olarǵa perzentlikke alınǵan, atalıq belgilengen, jınısı ózgertilgen jaǵdaylarda, sonday-aq, puqaralıq halatı aktlerin dizimge alıwda jol qoyılǵan qáteler múnásibeti menen tuwılıw haqqındaǵı hújjetlerdiń jazıwları ózgertilgen, tolıqtırılǵan hám dúzetilgen jaǵdayda gúwalıqlar berilgeni ushın;
3) fizikalıq shaxslar - olarǵa belgilengen tártipte biydárek joǵalǵan dep yamasa ruwxıy jaǵdayınıń buzılıwı (ruwxıy keselligi yamasa aqılı zayıllıǵı) sebepli ámeliy uqıpsız dep tabılǵan shaxslar yamasa islegen jınayatları ushın úsh jıldan kem bolmaǵan múddetke erkinen ayırıwǵa húkim etilgen shaxslar menen nekeni biykarlaw haqqındaǵı sudtıń sheshimi tiykarında gúwalıqlar berilgeni ushın;
4) fizikalıq tárepler - olarǵa reabilitaciyalanǵan tuwısqanlarınıń qaytıs bolǵanlıǵı haqqındaǵı gúwalıqlardı qayta bergenligi yamasa aldın berilgen gúwalıqlardı almastırǵanlıǵı ushın;
5) Ózbekstan Respublikası yamasa sırt mámleketler aymaǵında tábiyǵıy hám texnogen xarakterdegi ayrıqsha jaǵdaylar, sonıń ishinde, turmıslıq xarakterdegi apachılıqlar (turaq jaylar yamasa jasaw ushın mólsherlenbegen orınlardıń janıwı, qulawı, transport qurallarınıń janıwı) júz bergeni nátiyjesinde jábirlengen fizikalıq shaxslar - olarǵa tákirarıy gúwalıqlar bergeni ushın.
Ministrliktiń sektor bas másláhátshisi E.Sabirova