Янгиликлар
04
Qaraqalpaqstan Respublikası ádillik ministrligi tárepinen 2024-jıl dawamında ámelge asırılǵan jumısları boyınsha MAG‘LIWMAT
Qaraqalpaqstan Respublikası ádillik ministrligi tárepinen 2024-jıl dawamında ámelge asırılǵan jumısları boyınsha MAG‘LIWMAT
Ministrliktiń tiykarǵı wazıypalarınan biri birden-bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw bolıp tabıladı.
Bul bag‘darda ministrlik tárepinen 2024-jıl dawamında bir qatar jumıslar ámelge asırıldı.
Atap aytqanda, fizikalıq hám yuridikalıq shaxslardan ministrlik hám rayon (qala) ádillik bólimlerine jámi 12 765 múrájatlar kelip tústi, usınnan 7 546 múrájatlar qanaatlandırılıp, múrájatshılar huqıqları tiklendi.
Sudlarg‘a jámi summası 11 mlrd 942 mln swmnan artıq 1 363 dana dawa arzaları kirgizilip, puqaralardıń huqıqları sud tárepinen tikleniwine erisildi.
Ministrlikke kelip túsken múrájatlar tallawdan ótkerilgende múrájatlardıń kópshiligin miynet, úy-jay, sotsiallıq qorg‘aw, mámleketlik xızmetler kórsetiw hám puqaralıq halatı aktlerin jazıw tarawları menen baylanıslı yekenligi kórsetpekte.
Ministrlik tárepinen 828 mámleketlik uyımları hám shólkemlerinde úyreniwler ótkerildi.
Úyreniwler dawamında mámleketlik uyımları hám shólkemleri tárepinen 63 257 jag‘daylarda nızam buzılıwlarına jol qoyılg‘an.
Anıqlang‘an nızambuzılıwı jag‘dayların saplastırıw maqsetinde, 1064 usınıslar 53 eskertiwler kirgizildi.
Mámleketlik uyımları hám shólkemleriniń lawazımlı hám juwapker xızmetkerlerinen 884 shaxslar hákimshilik juwapkershilikke tartıldı.
Kirgizilgen usınıslarg‘a tiykar fizikalıq hám yuridikalıq shaxslardıń 45 mlrd 384 mln swm pul qarjıları qaytarıldı hám tólep berildi.
Mámleketlik yemes kommersiyalıq yemes shólkemleri jumısların muwapıqlastırıw tarawında Respublikada jámi 661 mámleketlik emes kommerciyalıq yemes shólkemleri, sonday-aq, 67 diniy shólkemler, usınnan 65 islamiy, 2 naislamiy hám de 16 tóreshilik sudları óz iskerligin kórsetip kelmekte.
Mámleketlik emes kommerciyalıq emes hám diniy shólkemler menen baylanıslı barlıq mámleketlik xızmetlerin kórsetiw e-ngo.uz saytı arqalı tolıq ámelge asırılmaqta.
Huqıqıy úgit-násiyat hám ag‘artıwshılıq tarawında ministrlik xızmetkerleri tárepinen 41 mıńnan zıyat úgit-násiyat ilajları ótkerildi.
Usınnan, 3 384 i g‘alaba xabar qurallarında ámelge asırıldı hám de 27 mıńnan aslam awızeki huqıqıy úgit-násiyat ilajları ótkerildi.
Jańadan qabıl etilgen 1021 normativ-huqıqıy hújjetlerdi tastıyıqlang‘an dizim boyınsha Respublika aymag‘ındagı 121 mámleketlik uyım hám shólkemlerge jetkerip berildi.
Yuridikalıq xızmetler jumısların muwapıqlastırıw tarawında Yuridikalıq xızmet kórsetiw orayları tárepinen 2024-jıl dawamında 756 347 hújjetler ekspertizadan ótkerilip, sonnan, 745 690 g‘a unamlı juwmaqlar, 1 504 g‘a unamsız juwmaqlar berilgen jáne 9 153 hújjet oraylar tárepinen normativ-huqıqıy hújjetler talaplarına muwapıq qayta kórip shıg‘ıw ushın qaytarıldı.
Huqıqıy xızmet kórsetiw tarawında házirde Qaraqalpaqstan Respublikasında 64 jeke ámeliyat penen shug‘ıllanıwshı notariuslar óz jumısların alıp barmaqta.
Bunnan tısqarı, 163 dana advokatlıq dúzilmeleri dizimnen ótkerildi.
Jergilikli mámleketlik hákimiyatı uyımları tárepinen ádillik uyımalarına jıl dawamında normativ tústegi 240 qarar joybarları huqıqıy ekspertizadan ótkeriw ushın kelip túsken, sonnan 140 qarar joybarlarına unamlı juwmaklar, 16 qarar juwmaqlarına unamsız juwmaqlar berilgen bolsa, 84 qarar joybarları belgilengen talaplarg‘a ámel qılınbag‘anlıg‘ı sebepli qaytarılg‘an.
Mámleketlik xızmetlerin kórsetiwshi uyımlar tárepinen esabat dawirinde 23 698 nızambuzıwshılıq jag‘daylarına jol qoyılg‘an.
Tarawdag‘ı kemshiliklerdi saplastırıw maqsetinde mámleketlik xızmetlerin kórsetiwshi 8 wákillikli uyımda úyreniwler ótkerildi, anıqlang‘an nızambuzıwshılıqlardı saplastırıw hám aldın alıw maqsetinde 37 usınıslar kirgizildi, 387 lawazımlı shaxslar hám juwapker xızmetkerleri hákimshilik juwapkershilikke tartıldı.
Mámleketlik xızmetleri orayları hám PHAJ uyımları jumısların muwapıqlastırıw tarawında mámleketlik xızmetler orayları tárepinen jámi 985 mıńan aslam mámleketlik xızmetler kórsetildi, 54 mıńnan aslam xızmetler kóshpeli tártipte rayon (qala) oraylarınan alıs aymaqlarg‘a barg‘an halda kórsetildi.
PHAJ uyımarınıń jumısların muwapıqlastırıw tarawında 2024-jıl dawamında 66 mıń 676 akt jazıwları Usınnan, tuwılg‘anlıqtı dizimge alıw 40 747, nekeni dizimge alıw 13 166, nekeden ajırasqanlıq 1770, ólimdi dizimge alıw jag‘dayı 10 993 quraydı.
Sonıń menen qatarda, Ózbekstan Respulikası Prezidentiniń
2024-jıl 25-maydag‘ı PP–80-sanlı Pármanına tiykar ádillik uyımlarına qosımsha wazıypalar júkletildi.
Sog‘an kóre, ministrlik tárepinen 2024-jıl dawamında respublikadag‘ı jámi 452 máhálleler tolıq qamtıp alınıp, úyme-úy júriw arqalı 29 533 xojalıqlarda jasawshı xalıqtıń kúndelik turmısında ushıraytug‘ın 6 591 huqıqıy máseleler anıqlanıp, 5123 huqıqıy mashqalalar unamlı sheshildi.
Xalıqqa biypul baslang‘ısh yuridikalıq járdem kórsetiw bag‘darında 19 250 puqarag‘a olardıń huqıqıy máseleleri boyınsha huqıqıy túsinikler berilgen hám 458 huqıqıy hújjet joybarları tayarlap berildi.
“Huqıqıy úgit-násiyatlaw kúni” joybarı sheńberinde máhellelerde 498 úgit-násiyatlaw ilajları ótkerilip, 19 250 dana sociallıq qorg‘awg‘a mútáj puqaralarg‘a baslang‘ısh yuridikalıq járdem kórsetildi.
Sonıń menen birge, úyme-úy júriw arqalı 34 797 huqıqıy
úgit-násiyatlaw ilajları ótkerildi.
“Mámleket keleshegi - nızamg‘a boysınıwshı hám huqıqbuzarlıqqa taqatsız jaslar menen” uranı astında tómendegi ilajlar ámelge asırıldı.
17 rayon (qala) larda bir mektepten “Huqıq klassları” shólkemlestirilip, olarda jumıslardı shólkemlestiriwge tiyisli rayon (qala) ádillik hám mektepke shekemgi hám mektep bilimlendiriw bólimleri juwapker etip biriktirildi.
Jaslar arasında huqıqbuzarlıqlarg‘a qarsı gúresiwge qaratılg‘an 3498 ilajlar ótkerildi.
581 “Teńlesime huqıqıy járdem” ilajları ótkerildi;
“Huqıqıy bilimler aylıg‘ı” joybarı sheńberinde bilimlendiriw mákemelerinde 12 657 oqıwshılar qatnasıwında seminarlar ótkerildi.
Isatay Aldabergenov
Rejelestiriw hám qadg‘alaw-tallaw
sektorı baslıg‘ı,
3-dárejeli ádillik keńesshisi