Янгиликлар
31
Bozataw rayonı ádillik bólimi tárepinen 2024-jıl dawamında ámelge asırılǵan jumıslar
Bozataw rayonı ádillik bólimi tárepinen, 2024-jıl dawamında mámleketlik uyımları hám shólkemleriniń norma dóretiwshiligi hámde huqıqtı qollaw tarawında bólim hám onıń quramında iskerlik júritip atırǵan Yuridikalıq xızmet kórsetiw orayı, Mámleketlik xızmetler orayı hámde PHAJ bólimleri ózlerine júkletilgen tiykarǵı wazıypalardıń orınlanıwı boyınsha bir qatar jumıslar ámelge asırıldı.
Sonday-aq, bólim tárepinen insan huqıqların qorǵaw boyınsha, óz wákillik sheńberinde fizikalıq hám yuridikalıq shaxslardıń wákillerinen jámi 728 múrájat kelip túsip, sonnan 290 múrájat qanaatlandırılıp, 41 múrájat boyınsha huqıqıy túsinik berilgen, 2 múrájat tiyisliligi boyınsha kórip shıǵıw ushın basqa uyımlarǵa jiberilgen, esabat dáwirinde 395 múrájat qosımsha úyreniw jumısların alıp barıw ushın qaldıqta qaldırılǵan.
Múrájatlardı kórip shıǵıw nátiyjeleri boyınsha tiyisli uyımlarǵa 35 usınıs, sud uyımlarına 4 dawa arza (302 mln 385 mıń 544 swm) kiritilgen bolsa, kiritilgen usınıs nátiyjeleri boyınsha 6 shaxs intizámiy, 10 shaxs hákimshilik juwapkershilikke tartılǵan, mámleketlik uyım hám shólkemniń nızamsız qabıl etilgen 6 buyrıǵı biykar etilgen, kiritilgen usınıs tiykarında 77 mln 42 mıń swm
is-haqı hám basqa tólemler óndiriliwi támiyinlengen.
Rayon hákimligi tárepinen kelip túsken 9 normativ-huqıqıy tústegi qarar joybarı ekspertizadan ótkerilip, unamlı juwmaq berildi hám rayon hákimligi tárepinen huqıqıy ekspertizadan ótken hújjetler rayonlıq gazetadan daǵazalanıp hámde rásmiy veb-saytlarǵa jaylastırılıp kelinbekte.
Sonıń menen birge, bul qararlar mámleketlik dizimge alınıwı ushın tiyisli tártipte Qaraqalpaqstan Respublikası Ádillik ministrligine usınılıp barılmaqta.
Rayon hákimligi tárepinen qabıl etilip atırǵan sheshim hám biylikler, xalıq deputatları rayonlıq Keńesiniń sheshimleri “E-qaror” elektron sisteması arqalı bólim tárepinen turaqlı monitoring qılınıp barılmaqta.
Bólim tárepinen 2024-jıl dawamında sudlarǵa 23 dawa arza (434 mln 271 mıń 183 swm) kiritilip, sonnan 23 dawa arza sud tárepinen qanaatlandırıldı, sonday-aq, Ózbekstan hám Qaraqalpaqstan Respublikası Ádillik ministrliginiń 2024-jıl dawamında belgilengen is-rejesi hám Qaraqalpaqstan Respublikası Ádillik ministriniń buyrıqları hám tapsırma xatları tiykarında rayonlıq mákeme hám shólkemleri jumıslarında nızam hújjetlerine ámel etiliwi jaǵdayları boyınsha 22 úyreniw hámde monitoringler ótkerilip, úyreniwler dawamında jámi 968 nızam buzılıw jaǵdayları anıqlandı.
Kórip shıǵılǵan múrájatler hám ótkerilgen úyreniwler nátiyjesinde anıqlanǵan nızambuzıwshlıq jaǵdayları boyınsha bólim tárepinen 23 lawazımlı shaxs hákimshilik, 16 lawazımlı shaxs intizámiy juwapkershilikke tartıldı, tiyisli mámleketlik uyım hám shólkemlerge nızamnıń buzılıwı, onı keltirip shıǵarıwshı sebepler hám oǵan imkaniyat berip atırǵan shárt-shárayatlardı saplastırıw boyınsha orınlanıwı májbúriy bolǵan 65 usınıs kiritildi, 320 mln 828 mıń swm muǵdarındaǵı is-haqı hám basqada tólemler mámleketlik uyım hám shólkem xızmetkerlerine paydasına óndirip beriliwi támiyinlendi, nızamsız qabıl etilgen 27 hújjetler biykar etildi, 150 shaxslardıń buzılǵan huqıqları tiklendi.
Xabarıńız bar, Ózbekstan Respublikası Prezidentiniń 2024-jıl 24-maydaǵı “Hákimshilik reformalar sheńberinde ádillik uyımları hám mákemeleriniń juwapkershiligin jánede asırıw hám ıqsham basqarıw sistemasın qáliplestiriw haqqında”ǵı PP-80-sanlı Pármanı qabıl etildi.
Pármanǵa kóre, xalıqtıń kúndelikli turmısında ushıraytuǵın huqıqıy mashqalaların anıqlaw, olardı analizlew hám saplastırıw boyınsha ámeliy ilajlardı kórip barıw;
– orınlarda anıqlanǵan sistemalı mashqalalardı saplastırıwǵa qaratılǵan nızamshılıq hújjetleri joybarların islep shıǵıw;
– puqaralarǵa biypul birlemshi yuridikalıq járdem kórsetiw sistemasın jolǵa qoyıw hám muwapıqlastırıp barıw;
– mámleketlik uyımları hám shólkemleri, jergilikli mámleketlik hákimiyatı uyımları hám puqaralardıń ózin-ózi basqarıw uyımlarında birden-bir huqıqtı qollaw ámeliyatın qáliplestiriwde olarǵa metodikalıq járdem kórsetip barıw ádillik uyımlarınıń qosımsha iskerlik baǵdarları etip belgilendi.
Usı Párman talaplarına tiykar ádillik bólimi tárepinen puqaralar jıyınlarında 16 márte kóshpeli qabıllawlar ótkerilip, ilaj dawamında 700 den aslam puqaralarǵa huqıqıy túsinikler berildi.
Puqaralar jıyınları, mámleketlik uyım hám shólkemlerge ámeliyatta qollanılıwı lazım bolǵan normativ-huqıqıy hújjetler boyınsha 700 den aslam qollanba materiallar elektron formada tarqatılıwı támiyinlendi.
Ayrıqsha atap ótiw kerek, joqarıdaǵı Párman qabıl etiliwi múnásibeti menen rayonlıq ádillik bólimine múrájat jollaw jánede ıqshamlastırıldı.
Yaǵnıy, endi ádillik bólimine múrájat jollaw ushın ádillik bólimi imáratına barıp otırıw shárt emes, sebebi hákim járdemshileri arqalı “ONLAYN MAHALLA” platforması, al ádillik bólimi xızmetkerleri tárepinen aymaqlarda júrip sol waqıttıń ózinde “mahalla.adliya.uz” platformaları arqalı múrájatlar elektron tárizde qabıl etiledi hám múrájatlar avtomatik tárizde ádillik bólimindegi smart.offise.uz elektron sistemasınan dizimge alınadı.
Sonday-aq, Párman talaplarına muwapıq dáslep eksperiment tárizinde rayondaǵı “Aspantay” awıl puqaralar jıyınındaǵı 11-sanlı ulıwma orta bilim beriw mektebinde “Huqıq klası” shólkemlestirildi.
Huqıqıy sawatlılıq hám huqıqıy mádeniyattı bilimlendiriw mekemeleriniń oqıwshılarınan baslaw arqalı keń jámiyetshilik arasına kirip barıw “Huqıq klası”n shólkemlestiriwdiń birden-bir maqset hám wazıypaları esaplanadı.
Ótken dáwir ishinde bólim tárepinen 2 297 úgit-násiyat jumısları alıp barılıp, sonnan 27 televideniede, 44 radioda, 25 gazeta, 912 veb-sayt hám basqada elektron málimlemeleri arqalı, 42 kórgizbeli hámde 1 216 awızeki huqıqıy
úgit-násiyat jumısları alıp barıldı.
Bunnan tısqarı, bólim tárepinen nızamshılıqqa ózgeris yaki qosımsha kiritiw boyınsha 22 márte usınıslar kiritiliwi támiyinlengen.
Bozataw rayonı
ádillik bólimi baslıǵı K.Paluaniyazov