Янгиликлар
19
Energiya únemlewshi qurılmalardıń abzallıqları hám energetika tarawında nızamshılıq hújjetleri
Fizikalıq shaxslar hám isbilermenlik subyektleri tárepinen qayta tikleniwshi energiya dereklerinen paydalanǵan halda islep shıǵarılǵan elektr energiyasınıń mútajlikten awısqan bólegin satıw rejimin belgileydi. Talapları quwatı 1 MVǵa shekem bolǵan quyash, samal hám elektr stanciyalarında islep shıǵarılatuǵın elektr energiyasın satıw menen baylanıslı qatnasıqlarǵa salıstırǵanda qollanıladı.
Tómendegi tiykarǵı túsiniklerden paydalanıladı :
-elektr energiyası - fizikalıq shaxslar hám isbilermenlik subyektleri tárepinen quwatı 1 MVǵa shekem bolǵan quyash, samal hám biogaz elektr stanciyalarında islep shıǵarılǵan elektr energiyası;
-elektr energiyasın óndiriwshi-quwatı 1 MVǵa shekem bolǵan quyash, samal hám biogaz elektr stanciyalarında islep shıǵarılǵan elektr energiyasınıń mútajlikten awısıq bólegin satıwshı fizikalıq yamasa yuridikalıq shaxs;
-elektr energiyasın satıp alıwshı - quwatı 1 MVǵa shekem bolǵan quyash, samal hám biogaz elektr stanciyalarında islep shıǵarılatuǵın elektr energiyasın óz tarmaǵına qabıl etiwshi elektr tarmaqları kárxanaları yamasa basqa fizikalıq hám yuridikalıq shaxslar.
Elektr energiyası óndiriwshisi tárepinen islep shıǵarılǵan elektr energiyasın satıp alıwshına satıw tárepler arasında qol qoyatuǵın aldı -satdı shártnaması tiykarında ámelge asırıladı. Bunda:
-fizikalıq hám yuridikalıq shaxslar tárepinen óz mútajlikleri ushın ornatılatuǵın quwatı 1 MVǵa shekem bolǵan quyash, samal hám biogaz elektr stanciyalarında islep shıǵarılǵan elektr energiyasınıń óz mútajliginen awısqan bólegin óz-ara - óndiriwshi, «Aymaqlıq elektr tarmaqları» AJ hám mámleket tárepinen elektr energiyasın satıp alıw funkciyası (kepilligi) berilgen organ arasında dúziletuǵın salıstırma dálalatnama rásmiylestiriw arqalı anıqlanadı hám «Aymaqlıq elektr tarmaqları» AJ tárepinen kepillik berilgen tárizde belgilengen tártipte satıp alınadı;
-elektr energiyasın óndiriwshi ózi paydalanıwı ushın payda bolǵan elektr energiyasın basqa fizikalıq hám yuridikalıq shaxslarǵa óz elektr tarmaqları arqalı satıwı múmkin.
-elektr energiyasın óndiriwshiniń óz elektr tarmaqları ámeldegi bolmaǵan jaǵdaylarda «Aymaqlıq elektr tarmaqları» AJ tarmaǵınan tranzit xızmetleri ushın keńseleraralıq tarif komissiyası hújjetlerinde belgilengen tarif tiykarında tólewlerdi ámelge asırǵan halda basqa fizikalıq hám yuridikalıq shaxslarǵa jetkerip beriledi.
Fizikalıq shaxslar hám isbilermenlik subyektleri tárepinen qayta tikleniwshi energiya dereklerinen paydalanǵan halda islep shıǵarılǵan elektr energiyasınıń mútajlikten awısqan bólegin satıw usı qaǵıydaǵa qosımshada keltirilgen sxemaǵa muwapıq ámelge asırıladı.
Elektr energiyasın óndiriwshi hám elektr energiyasın satıp alıwshı arasında aldı-satdı shártnamasın dúziw tártibi
Elektr energiyasın óndiriwshi óz mútajliginen artıqsha bolǵan elektr energiyasın satıw boyınsha elektr energiyasın satıp alıwshına tómendegi hújjetlerdi qosımsha etken halda usınıs jiberedi:
-elektr energiyasın óndiriwshiniń qayta tikleniwshi energiya derekleri qurılmalarınıń texnikalıq xarakteristikası;
-elektr energiyasın óndiriwshiniń qayta tikleniwshi energiya derekleri qurılmaların elektr tarmaqlarına jalǵaw sxemasınıń nusqası;
-aylar kesiminde bir jıl dawamında elektr energiyasın óndiristiń prognoz jıllıq kólemleri;
-elektr energiyasın óndiriwshi tárepinen qol qoyılǵan elektr energiyası aldı -satdı shártnaması.
Elektr energiyasın satıp alıwshı múrajat kelip túsken sáneden baslap 10 jumıs kúni dawamında elektr energiyasın óndiriwshi tárepinen usınıs etilgen hújjetlerdi texnikalıq hám ekonomikalıq tárepten úyrenip shıqqanınan keyin tárepler arasında elektr energiyası aldı-satdı shártnamasına qol qoyıladı.
Tárepler arasında dúziletuǵın elektr energiyası aldı-satdı shártnaması Ózbekstan Respublikası Puqaralıq kodeksi menen tártiplestiriledi.
Esap-kitaplardı ámelge asırıw tártibi
Elektr energiyasın óndiriwshi hám satıp alıwshı Ministrler Kabinetiniń 2018-jıl 12-yanvardaǵı 22-san qararı menen tastıyıqlanǵan Elektr energiyasınan paydalanıw qaǵıydalarına muwapıq elektr energiyasın uzatıw hám tutınıwın esapqa alıw úskene ASKUE sistemasına uyqas (pribor) ların ornatadı.
Jetkizip berilgen elektr energiyası ushın tólewler esap-kitap ayınan keyingi aydıń 25-sánesine shekem:
«Quyashlı shańaraq» baǵdarlaması sheńberinde fizikalıq shaxslarǵa tiyisli obyektlerde ornatılǵan quyash panellerinde islep shıǵarılǵan hám óz tutınıwınan arttırıp birden-bir elektr energetika sistemasına uzatılǵan elektr energiyasınıń hár bir kilovatt-saatına (unamlı ayırmashılıq) mámleket byudjetinen 1 000 sumnan subsidiya ajratıladı («Salıq» mobil qosımshası arqalı);
-fizikalıq hám yuridikalıq shaxslar tárepinen óz mútajlikleri ushın ornatılatuǵın quwatı 1 MVǵa shekem bolǵan quyash, samal hám biogaz elektr stanciyalarında islep shıǵarılǵan hám óz tutınıwınan arttırıp birden-bir elektr energetika sistemasına uzatılǵan elektr energiyasınıń hár bir kilovatt-saatına (kepillik berilgen tárizde II tarif toparı qarıydarları ushın belgilengen tariftiń 80 procenti muǵdarında) «Aymaqlıq elektr tarmaqları» AJ tárepinen tólep beriledi.
Esap-kitap ayınan keyingi aydıń 5-sánesine shekem elektr energiyasın óndiriwshi hám satıp alıwshı jetkerip berilgen hám qabıl etilgen elektr energiyası haqqında elektr energiyasın uzatıw hám tutınıwın esapqa alıw priborlari kórsetkishleri maǵlıwmatların óz-ara almasadı.
Elektr energiyasın satıp alıwshı óndiriwshine esap-kitap ayı ushın óz elektr tarmaǵına qabıl etip alǵan elektr energiyası kólemi ushın shártnamada yamasa nızamshılıq hújjetlerinde belgilengen tártip hám tarifler boyınsha pul tóleydi.
Esap-kitap ayında elektr energiyasın óndiriwshi tárepinen satıp alıwshınıń elektr tarmaǵına jetkerip berilgen elektr energiyası kólemi satıp alıwshı tárepinen sol dáwir dawamında qabıl etip alınǵan elektr energiyası kóleminde ayırmashılıqlar payda bolǵan jaǵdayda, óndiriwshi tárepinen jetkerip berilgen elektr energiyasınıń muǵdarı tárepler arasında qol qoyatuǵın kórsetkishlerdi salıstırıw dálalatnaması tiykarında anıqlanadı.
Yuridikalıq shaxslar birden-bir energetika sistemasınan alǵan elektr energiyası ushın ámelde belgilengen tariflar tiykarında «Aymaqlıq elektr tarmaqları» AJ menen esap kitaptı ámelge asıradı, óz gezeginde bul qarıydarlar obyektlerinde engizilgen qayta tikleniwshi energiya dereklerinen islep shıǵarılǵan hám mútajliginen arttırılǵan bólegin II tarif toparı qarıydarları ushın belgilengen tariftiń 80 procenti muǵdarında «Aymaqlıq elektr tarmaqları» AJne satadı.
Bunda birden-bir energetika sistemasınan alınǵan hám óz mútajliginen arttırıp tarmaqqa uzatılǵan elektr energiyası ushın elektron esap-faktura hám salıstırma dálalatnama usınıw arqalı esap kitaplar ámelge asırıladı. Payda bolǵan ayırmashılıqlar boyınsha tólemler, eger shártnamada basqasha tártip belgilep qoyılǵan bolmasa, elektr energiyası ushın ámeldegi satıw tarifinde ámelge asırıladı.
Elektr energiyasın satıp alıwshı óndiriwshi tárepinen jetkerip berilgen elektr energiyası muǵdarı ushın elektr energiyasın uzatıw hám tutınıwın esapqa alıw úskenesi (pribor) niń maǵlıwmatlarına kóre tárepler arasında qol qoyılǵan kórsetkishlerdi salıstırıw dálalatnama hám esap-fakturanı alǵan kúnden baslap 10 jumıs kúni ishinde tólemlerdi ámelge asıradı.
Bul qaǵıyda talapları buzılǵanda ayıplı bolǵan shaxslar nızamshılıq hújjetlerinde belgilengen tártipte juwapker boladı.
Qońırat rayonı ádillik bólimi
Mámleketlik xızmetler orayı aǵa
qánigesi U.Tórebaev