Янгиликлар
14
“Sırtqı reklama” monitoring elektron sisteması haqqında
Ózbekstan Respublikası Ministrler Kabinetiniń 20.02.2020-jıldaǵı “Sırtqı reklama bazarın tártipke salıw haqqında”ǵı 104-sanlı Qararı tariyxıy-qalasazlıq ortalıǵın hám rayonlar (qalalar)dıń bar bolǵan imaratları kelbetin saqlap qalıw, reklama konstruksiyaların ornatıw hám olardan paydalanıwdı tártipke salıwdı qadaǵalaw, sırtqı reklama tarawınıń barlıq qatnasıwshıları ushın teń huqıqlardı támiyinleytuǵın principler hám shártlerdi sáwlelendiriw maqsetinde qabıl qılınǵan.
Usı Qararǵa muwapıq elektron sistema sheńberinde sırtqı reklama hám informaciya obyektlarınıń (konstruksiyalarınıń) ornatıw sızılmalarındaǵı jaylasıwı, iyesi haqqındaǵı, aylıq jıyımlar haqqındaǵı hám basqa maǵlıwmatlar onlayn elektron bazanı júritiw arqalı sırtqı reklama hám informaciya obyektlarınıń (konstruksiyalarınıń) esabı júritiledi hám de birden-bir elektron reyestr qáliplestirilep barıladı; sırtqı reklama hám informaciya obyektlarınıń (konstruksiyalarınıń) ornatıw sızılması hám de oǵan kiritiletuǵın ózgerisler elektron sistemaǵa kiritiledi; tólemler tek ǵana elektron sistema arqalı ótkeriledi hám olardıń billing júritiledi; elektron sistemada real waqıt rejiminde sırtqı reklama hám informaciya obyektların (konstruksiyaların) ornatıw ushın ruxsat beriw processleriniń basqıshları, iskerlik jaǵdayı monitoring qılınadı; transport qurallarında jaylastırılatuǵın sırtqı reklama hám informaciya obyektların jaylastırıw úlgi eskizları hám ornatıw tártipleri kiritiledi hám de elektron sistema arqalı berilgen reklama orınlarınıń pasportları reyestri júritiledi.
Sonday-aq, joqarıdaǵı Qararǵa kóre 2023-jıl 1-dekabrden baslap sırtqı reklama hám informaciya obyektların (konstruksiyaların) ornatıw sızılmaları, sonıń menen birge, olarǵa ózgeris hám qosımshalar Qaraqalpaqstan Respublikası Joqarǵı Keńesi, xalıq deputatları wálayatlar hám Tashkent qalası Keńesleri tárepinen kórip shıǵılıp, maqullanǵanınan keyin Qaraqalpaqstan Respublikası Ministrler Keńesi, wálayatlar hám Tashken qalası hákimlikleri tárepinen tastıyıqlanadı.
Shomanay rayonı ádillik bólimi
bas másláhátshisi Sh.Shadıbekov