Янгиликлар
14
Nekeden ajırasıw tártibi
Ózbekstan Respublikası Shańaraq kodeksiniń 42 hám 218-statyalarına muwapıq PHAJ uyımı múlk boyınsha kelispewshilikleri hámde er jetpegen perzentleri (sonıń menen birge perzentlikke alınǵanlar) bolmaǵan er hám hayaldıń nekeden ajırasıw haqqındaǵı arzasın qabıl etedi. Eger hayal hámledar bolsa nekeden ajırasıw haqqındǵı arzanı qabıl etiwden bas tartadı.
PHAJ uyımı er hám hayaldı jarastırıw boyınsha tiyisli ilajlar kóriw ushın nekeden ajırasıw haqqındaǵı arza berilgen kúnnen úsh kúnnen keshiktirmey bul haqqında er hám hayaldıń birge jasaytuǵın jerindegi puqaralar jıyınınıń shańaraqlıq qádiriyatlardı bekkemlew komissiyasın, eger olar birge jasamaytuǵın bolsa, olardıń hár biriniń jasaytuǵın jerindegi puraralar jıyınınıń shańaraqlıq qádiriyatlardı bekkemlew komissiyasın jazba túrde xabardar etiwi kerek.
Bólek jasawshı er hám hayaldıń nekesin ajırastırıwdı dizimge alıw olardıń birgeliktegi arzasına tiykar PHAJ uyımı tárepinen ámelge asırıladı.
PHAJ uyımı tiyisli uyımlardan er jetpegen perzentleri joq ekenligi haqqında tastıyıqlawshı hújjetlerdi sorawı múmkin.
Eger nekeden ajırasıwda er hám hayaldıń óz-ara kelisimi bolǵan halda ulıwma múlk boyınsha yamasa miynetke jaramsız, er hám hayaldıń támiyinatı haqqında kelispewshilikler bolsa bunday jaǵdayda nekeden ajırasıw sud tártibinde ámelge asırıladı.
Nekeden ajırasıw dizimge alınǵannan keyin neke dúzilgenligi haqqında gúwalıqqa onıń toqtatılǵanlıǵı haqqında belgi qoyıladı hám arza beriwshilerge qaytarıp beriledi.
Nekeden ajırasıwdı dizimge alıwda er hám hayaldıń óz-ara kelisimi boyınsha
olardıń birewinen yamasa ekewinen belgilengen tártipte mámleketlik bajı óndiriledi.
Ózbekstan Respublikası Shańaraq kodeksiniń 43 hám 219-statyalarına muwapıq
er hám hayaldıń biri:
sud táreninen biydárek joǵalǵan dep tabılǵan bolsa;
sud tárepinen ruwxıy keselligi yamasa aqılı zayıplıǵı sebepli qarım qatnasıqqa uqıpsız
dep tabılǵan bolsa;
islegen jınaytı ushın úsh jıldan kem bolmaǵan múddette azatlıqtan ayırılǵan bolsa, olardıń er jetpegen balaları bar yamasa joqlıǵına qaramastan, er yamasa hayaldıń birewinin arzası boyınsha PHAJ uyımlarında nekeden ajırasıw dizimge alınadı.
Bunday jaǵdaylarda arzaǵa tómendegi hújjetler qosımsha usınıladı:
er yamasa hayaldıń qarım qatnasıqqa uqıpsız yamasa biydárek jogálǵan dep tabılǵanlıǵı haqqında nızamlı kúshke kirgenligi haqqında sud qararı;
er yamasa hayaldıń úsh jıldan kem bolmaǵan múddette azatlıqtan ayırılǵanlıǵı haqqında nızamlı kúshke kirgen sud húkiminen kóshirme, sonday-aq sudlanǵan er yamasa hayaldıń nekesin ajırastırıwgá olardıń ulıwma balaları hám mal-múlki boyınsha kelispewshilikleri joqlıǵı haqqında razılıǵı.
Balaları haqqında, birgeliktegi ulıwma mal-múlki boyınsha yamasa járdemge mútáj, miyntke jaramsız er (hayal)dıń támiyinatı ushın qarjı tólew ushın kelispewshilik bolsa nekeden ajırasıw sud tártibinde ámelge asırıladı.
Sudtıń er hám hayaldıń birewi biydárek joǵalǵan dep tabılǵanlıǵı haqqında qararı boyınsha nekeden ajırasıw er yamasa hayaldıń turaqlı (waqtınsha) dizimnen ótken jerine qaramastan PHAJ uyımı tárepinen ámelge asırıladı.
Sud tárepinen biydárek joǵalǵan dep tabılǵan er (hayal) qaytıp kelgende hám sudtıń sheshiwshi qararı biykar etken waqıtta neke er hám hayaldıń birgeliktegi arzasına tiykar PHAJ organı tárepinen tikleniwi múmkin.
Tareplerdiń biri nekege kirgen bolsa, neke tikleniwi múmkin emes.
Bunday jaǵdayda biydárek joǵalǵan dep tabılǵan shaxs múrájáát etken waqıtta,
nekeden ajırasqanlıǵı haqqında gúwalıq beriledi.
Ózbekstan Respublikası Shańaraq kodeksiniń 47-statyasına muwapıq neke PHAJ uyımında nekeden ajırasıw haqqındaǵı akt jazıwı dizimge alınǵan kúnnen baslap toqtaydı.
PHAJ uyımı sud qararı tiykarında er hám hayaldıń birewiniń arzası boyınsha nekeden ajırasıw haqqında akt jazıwın dizimge aladı hám ajırasqanlıǵı haqqında gúwalıq beredi.
Bunda nekeden ajırasıwdı dizimge almastan aldın PHAJ uyımı er hám hayaldıń birewiniń nekeden ajırasıw haqqında akt jazıwın «PHAJdıń birden-bir elektron arxivi» málimleme sisteması arqalı tekseredi.
Eger nekeden ajırasıw PHAJ uyımında táreplerdiń birewiniń arzasına tiykar dizimge alınǵan bolsa, bunday jaǵdayda akt jazıwınıń ekinshi tárepi haqqında maǵlıwmatlar toltırıladı hám nekeden ajırasqanlıǵı haqqında gúwalıq beriledi.
Nekeden ajırasqanlıǵı haqqında akt jazıwın dizimge alıw, nekeden ajırasqanlıǵı haqqında akt jazıwlarına qosımshalar kirgiziw hám nekeden ajırasqanlıǵı haqqında gúwalıq beriw, sonday-aq táreplerdiń birewiniń isenim xat arqalı háreket etiwshi wákiliniń arzası boyınsha da ámelge asırılıwı múmkin.
1998-jıl 1-sentyabrden 2010-jıl 15-sentyabrge shekemgi waqıtta nızamlı kúshke kirgen sud qararları boyınsha nekeden ajırasıwdı dizimge alıw joyıtılǵan akt jazıwların tiklew tártibi hám qaǵıydalarǵa tiykar ámelge asırıladı.
Shomanay rayonı ádillik bólimi
PHAJ bólimi baslıǵı Z.Alieva