Янгиликлар
14
Ózbekstan Respublikası Korrupciyaǵa qarsı gúresiw agentliginiń wazıypaları
Korrupciyaǵa qarsı gúresiw agentligi Ózbekstan Respublikası Prezidentiniń “Ózbekstan Respublikasında korrupciyaǵa qarsı gúresiw sistemasın jetilistiriw boyınsha qosımsha ilajlar haqqında”ǵı Pármanına muwapıq, 2020-jıldıń 29-iyunında shólkemlestirildi.
Agentlik korrupciyanıń aldın alıw hám oǵan qarsı gúresiw tarawında mámleket siyasatın sáwlelendiriw hám ámelge asırıwda arnawlı wákillikli mámleket organı esaplanadı.
Agentlik Ózbekstan Respublikası Prezidentine boysınadı hám Ózbekstan Respublikası Oliy májilisi palataları (parlament) aldında esabat beredi.
Agentliktiń tiykarǵı maqset hám wazıypaları:
-mámlekette korrupciya jaǵdayın sistemalı analiz etiwdi támiyinlew;
-korrupciyaǵa tiyisli qáwip-qáterler joqarı bolǵan tarawlardı anıqlaw;
-korrupciyaǵa qarsı gúresiw sharalarınıń nátiyjeliligin asırıwǵa qaratılǵan mámleket hám basqa dástúrlerdi ámelge asırıw;
-puqaralardıń huqıqıy sanası hám huqıqıy mádeniyatın asırıw arqalı jámiyette korrupciyanıń barlıq kórinislerine keskin múnásebetin qáliplestiriw;
-ministrlik hám shólkemlerdiń korrupciyanıń aldın alıw hám oǵan qarsı gúresiw tarawındaǵı iskerligin muwapıqlastırıw;
-mámleket hám xojalıq basqarıwı organları, mámleket kárxanaları hám ustav kapitalında mámleket úlesi bolǵan kárxanalar, banklerde, korrupsiyaǵa qarsı gúresiw ishki qadaǵalaw sisteması (komplaens-qadaǵalaw)dı engiziw;
-mámleket xızmetshileriniń dáramat hám mal múlkin deklaraciya qılıw sisteması engiziliwin hám nátiyjeli iskerlik kórsetiwin támiyinlew;
-korrupciyanıń aldın alıw hám oǵan qarsı gúresiw tarawında xaliqaralıq birge islesiwdi rawajlandırıw;
-korrupciyanıń jaǵdayı, tendenciyaları hám sebepleri hámde korrupciyaǵa qarsı sharalar kóriwdiń nátiyjeliligi júzesinen socialigiyalıq, ilimiy hám basqa úyreniwlerdi shólkemlestiriw;
-korrupciyanıń aldın alıw hám oǵan qarsı gúresiw boyınsha iskerliginiń ashıqlıǵı hám aydınlıǵın támiyinlew hám basqalar.
Agentlik bir qatar huqıq hámde wákilliklerge iye:
-korrupciyaǵa tiyisli, birinshi náwbette, Ózbekstannıń milliy máplerine hám xalıqaralıq zıyan jetkiziwshi jınayatlardı tergew qılıw nátiyjelerin kompleks analiz qilıw;
-byudjet qarjılarınıń sarıplanıwı, mámleket aktivleriniń realizaciya qılınıwı, investiciya joybarlarınıń ámelge asırılıwı hám mámleket dásrúrlerinıń orınlanıwı menen baylanıslı materiallardı talap etiw, alıw hám úyreniw;
-fizikalıq hám yuridikalıq shaxslardıń korrupciya máseleleri boyınsha múrájátlerdi kórip shıǵıw hám olardıń buzılǵan huqıqların tiklew hám nızamlı máplerin qorǵaw boyınsha sharalar kóriw;
-korrupciyaǵa tiyisli huqıqbuzarlıqlar boyınsha hákimshilik sorastırıwlar ótkeriw;
-orınlaw hákimiyatı hám xojalıq basqarıwı organları hám olardıń máptar shaxsları qararlarında korrupciya belgileri anıqlanǵan jaǵdaylarda olardıń orınlanıwın toqtatıw yamasa biykar etiw haqqına kórip shıǵılıwı májbúriy bolǵan taqdimnama kiritiw.
Usı tarawda puqaralardıń huqıqıy sanası hám huqıqıy mádeniyatın asırıwǵa qaratılǵan kompleks dástúrlerin ámelge asıradı hám jámiyette korrupciyanıń barlıq kórinisleri keskin múnásibetti qáliplestiredi.
Korrupciyanıń aldın alıw hám oǵan qarsı gúresiw tarawında xalıqaralıq birge islesiwdi rawajlandırıw hám mámleketti bekkemlew hám onıń xalıqaralıq reytinglerindegi ornın asırıw boyınsha sistemalı ilajlar alıp baradı.
Shomanay rayonı ádillik bólimi
PHAJ bólimi 1-dárejeli inspektorı: P.Ibraimova